Red Wings áýe kompanııasy shildede Máskeýden Aqtóbege usha bastaıdy, dep habarlaıdy Egemen.kz.
Red Wings málimetine sáıkes, atalǵan baǵytta syıymdylyǵy 100 oryndyq reseılik SSJ 100 laınerleri iske qosylady. Reıster Jýkovskıı halyqaralyq áýejaıynan (Máskeýden ońtústik-shyǵysqa qaraı 20 shaqyrym) oryndalady.
Máskeý - Aqtóbe reısteri 29 shildede bastalyp, juma kúnderi, al Aqtóbe - Máskeý reısteri 30 shildeden senbi kúnderi oryndalady.
Aqtóbe Red Wings Máskeýden ushatyn Qazaqstannyń tórtinshi qalasy bolady. Sáýirden bastap áýe kompanııa Jýkovskııden Almaty men Nur-Sultan qalalaryna, shildediń basynan bastap Aqtaýǵa reıster oryndaıdy.