Belgili ekonomıst Jaqsybek Qulekeev «Egemen Qazaqstan» gazetine bergen eksklıýzıvti suhbatynda Kaspıı qubyr konsorsıýmynyń jabylýy álemdik naryqqa qalaı áser etetinin aıtty, dep habarlaıdy Egemen.kz.
«Kaspıı qubyr konsorsıýmyna qatysty sot sheshimi áli kúshine engen joq. Sondyqtan munaı tasymaldaý úderisi de ázirshe toqtamady. Bári shtattyq rejimde jumys istep tur. Árıne, konsorsıýmnyń Qazaqstan úshin mańyzy zor. Byltyr álem naryǵyna shyǵarǵan 67 mln tonna munaıdyń 54 mln tonnasyn osy qubyr arqyly eksporttadyq. Jap-jaqsy kórsetkish», dedi ekonomıst.
Jaqsybek Qulekeev qazirgi ýaqytta álemdik naryqta munaı tapshylyǵy joq ekenin aıtty.
«Eger konsorsıým jabylsa, álem naryǵyna ónim jetpeı qalýy múmkin. Iаǵnı munaı satylymy azaıady. Bul álemdik naryqty teńseltip, baǵanyń qymbattaýyna alyp kelýi múmkin. Menińshe, konsorsıýmǵa qatysty sheshimderdiń jyldam qabyldanyp jatqandyǵynyń astarynda basqasha mán jatyr. Bul munaı baǵasynyń tómendeýine qarsy jasalyp jatqan áreket sekildi. Baǵanyń arzandaýyna G7 elderi basshylarynyń kezdesýi de áser etken syndy. Alpaýyt memleketterdiń basshylary sońǵy kezdesýde baǵany qazirgi deńgeıde ustap, odan ári kótermeýge ýaǵdalasty. Munyń ekonomıkalyq negizi mynada: Reseı óz munaıyn naryqtaǵy baǵadan 40 dollarǵa arzan satýda, saldarynan munaıyn ótkize almaǵan Iran da baǵany arzandatty, endi ózge memleketter de baǵany tómendetýge májbúr. Munaı baǵasynyń arzandaýy dál qazir Reseıge múldem qajet emes. Jalpy, qazirgi ýaqytta álemdik naryqta munaı tapshylyǵy joq. Kaspıı qubyr konsorsıýmyna qatysty sot sheshimi osy tendensııany buzý úshin, ıaǵnı munaı baǵasyn azdap kóterý úshin qabyldanǵan sekildi. Biz úshin Kaspıı qubyr konsorsıýmy tóńiregindegi máseleniń durys sheshilgeni kerek. О́ıtkeni munaı óndirý ári tasymaldaý – úzdiksiz júretin úderis. Ony toqtatýǵa bolmaıdy», dedi Jaqsybek Qulekeev óz sózinde.