2022 jyldyń 1 toqsanynda eki eksporttaýshyǵa 15 mln teńge mólsherindegi qosylǵan qun salyǵynyń somasy 30 kún ishinde jeńildetilgen tártippen qaıtaryldy, dep habarlaıdy Egemen.kz Memlekettik kirister komıtetine silteme jasap.
Komıtet «Atameken» UKP-men birlesip, QQS-ty jeńildetilgen tártippen qaıtarýy boıynsha pılottyq jobany iske qosty.
Jobanyń maqsaty «Aýyl sharýashylyǵy taýaryn óndirýshi – elevator – eksporttaýshy» qaǵıdaty boıynsha aýyl sharýashylyǵy taýaryn óndirýshi men eksporttaýshy arasyndaǵy kóptegen deldaldar men alypsatarlardy qysqartý.
Mundaı tizbek eń aldymen eksporttaýshylardyń ózderi úshin yńǵaıly. Erejeler tek erikti sıpatty jáne mindetti emes. Kez-kelgen kompanııa oǵan qosyla alady.
Pılottyq joba qatysýshynyń tańdaýy boıynsha eki nusqada júzege asady:
1) banktik kepildik boıynsha 15 jumys kúni ishinde kameraldyq baqylaýsyz;
2) banktik kepildik bolmaǵan jaǵdaıda 100 kúntizbelik kún ishinde QQS qaıtarýdy kózdeıdi.
Jalpy belgilengen tártippen QQS 55 jumys kúni ishinde (turaqty eksporttaýshylar úshin) jáne 155 kúntizbelik kún ishinde qaıtarylady.
Pılottyq joba aıasynda astyqtyń qadaǵalanýy iske asyryldy:
1) astyqty óndirý, saqtaý obektilerin jáne astyqtyń ómirlik sıklin esepke alý.
2) «alqaptan shekaraǵa deıin» astyqtyń baqylanýy.
Ol úshin «Qoldau» aqparattyq júıesinde «astyq aınalymy boıynsha operasııalardy esepke alý úshin AstyqQoima vırtýaldy astyq qoımasy» modýli ázirlendi:
sebý, vegetasııa, jınaý ǵarysh túsirilimderi arqyly. EShF, elektrondyq astyq qolhattary arqyly tasymaldaý, saqtaý, satyp alý-satý.Eki eksporttaýshymen 2022 jyldyń 1 toqsanynda 15 mln teńge mólsherindegi QQS somasyna qaıtarý talaby usynyldy. Nátıjesinde kórsetilgen soma 30 kúntizbelik kún ishinde qaıtaryldy. 2022 jyldyń 2 toqsanynda pılottyq joba sheńberinde QQS somasyn qaıtarýǵa qoıylatyn talaptar usynylady dep kútilýde.