«Avtojol salasyna túbegeıli reforma jasaıtyn ýaqyt jetti. Qazir elimizdegi joldyń jaı-kúıin eki negizgi operator qadaǵalap, qyzmet kórsetedi. Týrasyn aıtsaq, ekeýi de bir jumysty atqaryp otyr, jumysshylarynyń sany da qajetti shamadan artyq. Soǵan qaramastan azamattardan kelip jatqan oryndy aryz-shaǵymdar azaıar emes, al joldyń sapasy múlde syn kótermeıdi», dedi Memleket basshysy Úkimettiń keńeıtilgen otyrysynda.
Osy oraıda ol Úkimetke «QazAvtoJol» men «Kazahavtodordy» biriktirip, Qazaqstannyń birtutas avtojol kompanııasyn qurýdy tapsyrdy.