О́mirdiń quny

Aqyn, aýdarmashy, jýrnalıst Almat Isádil QazUÝ-diń jýrnalıs­tıka fakýltetiniń túlegi. О́leńderi «HHI ǵasyr poezııasynyń antologııasy» ujymdyq jınaǵyna engen. Sondaı-aq, ol «Joldar, joldar...», «Kókjıekke sińgen jol», «Men – qazaqtyń balasy» kitaptarynyń avtory.

Almat Isádil.

Qazaqstan Bir Alla atty teńdessiz ǵajap ustanyń, Boıyna jıǵan ımanı tazalyq nárin. Tórińe qansha tónse de qara dushpanyń, Bolashaǵy úshin bastaryn báıgege tigip, Qorǵady seni sert berip san arystarym – Qazaqstanym!   Tóndirip taǵdyr basyńa qara bulttaryn, Tarıhtan bilem ultymnyń jan aýyrtqanyn. Urpaqtaryńnyń bylǵaǵan balalyq shaǵyn, Qarııalardyń urlaǵan danalyq shamyn, Zamandar da ótti-aý, jatatyn tonalyp baǵyń – Qazaqstanym!   О́mir-ózenniń bulqynǵan doly aǵystaryn, Eleń de qylmaı, eńkeımeı, alaburtpadyń. Qap-qara jerge qyp-qyzyl kóp aǵyp qanyń, Aqyryp teńdik surap eń, Alashyńdy aıtyp, Aqyry kelip qolyńa jalaý ustadyń – Qazaqstanym!   Bosatyp tordan zaryqqan dala qustaryn, Aldyńnan atty nur shashyp, aǵaryp tańyń. Sonyń úshin de qolyma qalam ustadym... Júregimmenen júremin únemi sezip, Boıyńda seniń asqaq rýh, dara kúsh baryn – Qazaqstanym!   Kókjıekke sińgen jol Taǵdyr bizge jasamaıdy beker syn, Aldy-artyńdy bilgen jón. Meni qaıda aparady ekensiń, Kókjıekke sińgen jol?   Kókjıektiń ar jaǵynda – armanym, Ber jaǵynda – úmitim. Bir jaqsylyq, bir jamandyq – jan-jaǵym, Tas tóbemde – uly kún.   Aınaldyrǵan jalǵyz ómir – bes kúndik, Ony-daǵy az kórip... «О́leńimiz óltirmeıdi!» –dep bizdi, Jubanamyz máz bolyp.   Taramdanǵan tamyryndaı dalamnyń, Shaqyrady jol meni. Júrip ótken izimenen babamnyń, Júrip ótsem men de bir.   Jarym kóńil bolady eken sekemshil, Deregi joq kúnderden. Meni qaıda aparady ekensiń, Kókjıekke sińgen jol.   Barlyq joldar bastasa ǵoı baqytqa, Shashý shashyp gúlden mol! Meni qaıda aparasyń, asyqpa – Kókjıekke sińgen jol.   Saparymdy bastadym ǵoı jańadan, Jasqanamyn men neden?! Báribir de sońǵy aıaldamadan, Basqalarǵa jol berem.   Esenınniń elinde Bóreneli sol úıler, Sol baıaǵy, sol ólke: Basyn jerge sál ıgen, Qaıyń túbi – kóleńke. Janarynda muń, nala, Bilgisi kep syryńdy, Pesh túbinde bir bala, Oqyp otyr jyryńdy. El-jurtyńa qosh, qosh dep, «Tym aýlaqqa» ketkende. «Esenınde es joq», dep, Tildep edi kóp pende. Shaıqap júrdiń, shaıyrym, Sharaptan da bas almaı. Qasiretke baıydyń, Kúıigińdi basa almaı. Gıtaranyń kúıimen, Kóńil muzyn erittiń. Aısedora bıine, Esiń ketip, elittiń. Taǵdyr nege muńaıtyp, Jigerińdi ýatty? ...Shaganeńe syr aıtyp, О́zińdi-óziń jubattyń.   Qaıran anań qamyǵyp, Qanshama ret ezildi? Jelbegeıin jamylyp, Tosty qansha jolyńdy?.. Elge oraldyń aqyry, Artta qalyp eles-kún: Rýstiń uly aqynyn, Elemedi kóp eshkim... О́rtendiń de, jandyń da, Jyrǵa arnaldy has, kúshiń. Esigińniń aldynda, Muńaıyp tur tas músin. Elge ańyz boldyń da, Jarqyrady nurly aıyń. Esigińniń aldynda Jalǵyzsyrap tur qaıyń...   Túnde ...Dala sýyq. Ánsheıinde shýlaıtyn qala – sulyq. Terezeden telmirem tysqa qaraı, Birdemeni kúbirlep, danasynyp... Men sııaqty kóktemin kúte me eken – Búrseńdeıdi gúlzarda dara shybyq. Ánebir jan qashanǵy turar eken, Áldekimdi kútýmen tań atyryp... Sur kósheniń shamdary syǵyraıyp, Aspannan aı tónip tur jaǵy ashylyp. Terezemdi soǵady qaıta-qaıta, Shubar qanat kóbelek alasuryp. Uıqym qashyp otyrmyn, oıǵa batyp, Moıynyma meshel-muń taǵy asylyp. Tarqatylmaı turǵany-aı jaqsy jyrdyń, Qalamymnyń ushynda oratylyp...   Boıyma tátti sezim dánin ekken Alyp ushyp, sharq uryp kóńil júrdek, Kóp ishinde júrgende ózińdi izdep, Qapelimde qaq tilip qara túndi, Kógimnen juldyz bolyp kórindiń kep: Shermende júrek shirkin jyrǵa orandy, Keýdemde jańasha bir ómir gúldep. Sodan beri kóńilge kóktem ornap, Armanym qanat qaqty kókke barlap. Qos júrekke ortaq bir lúpil bergen, Táńirim netken sheber, netken ardaq?! Shyn mahabbat ómirde bolmaıdy dep, Júrippin qur qaıǵyryp, tekke «zarlap». Arý ediń jaıdary jany netken, Boıyma tátti sezim dánin ekken?! Janaryńnan taraǵan jyly sáýle, Jan, arymnyń saraıyn jaryq etken. Kúlimdep qasymda sen júrseń ylǵı, Men úshin tórt mezgildiń bári kóktem!   Balapandarym Sendersiń meniń baqytym balapandarym, Balapandarym – shattyqtyń taratar nárin. Júrińder ylǵı kúlimdep qasymda meniń, О́mirdiń birge qarsy alyp jańa tańdaryn.   Aýyrlap ketken sátterde tózimniń júgi, О́zderińmenen seıiler kóńildiń muńy. Sendersiń meniń senerim, súıenishim de, Sendermen ǵana baǵaly ómirdiń quny.   Taǵdyrdyń joly tym qıyn, bolyńdar abaı, Qarsy júzińder taısalmaı aǵynǵa qaraı. Taý jaqtan esken samal jel júzderińdi óbip, Aımalap júrsin kúnde erte jaǵylǵan araı?!   Balalyq kúnniń ýaıymsyz, zerli shaǵynda, Ýaqyttyń ózi júrekke belgi salýda. О́sińder boıǵa darytyp dalamnyń ısin, Jaqsylyq tunǵan álemniń keń qushaǵynda.   Kún saıyn maǵan ómirdiń taratar nárin, Aman júrińder kishkentaı  balapandarym. Ǵajabyn ǵana kórińder ǵumyrdyń mynaý, Bataǵa ǵana jaıylsyn alaqandaryń. Balapandarym...  ALMATY.