2021-2025 jyldarǵa arnalǵan kásipkerlikti damytý jónindegi ulttyq jobaǵa bıyl 284 myń adam qatysyp, 233,3 myń azamat jumysqa ornalasty, dep habarlaıdy Egemen.kz.
Eńbek jáne áleýmettik qorǵaý mınıstrligi usynǵan aqparatqa sáıkes, jumys berýshilerdiń ótinimderi boıynsha kásiptik oqytýǵa 5,6 myń adam jiberildi. Sondaı-aq óz kásibin bastaýǵa nıettengen 1,5 myń adamǵa memlekettik grant berildi.
«Sýbsıdııalanatyn jumys oryndaryna 102 myń adam ornalasty. Onyń ishinde áleýmettik jumys oryndarymen - 12,1 myń, jastar praktıkasymen - 9,7 myń, qoǵamdyq jumystarmen - 77,7 myń adam, «Alǵashqy jumys orny» jobasy aıasynda - 1,4 myń, «Urpaqtar kelisimsharty» jobasy aıasynda - 182 adam, «Kúmis jas» jobasy aıasynda 816 adam jumyspen qamtyldy. Sondaı-aq qyzmet salasyn tańdaý maqsatynda 34 myńnan astam adam áleýmettik kásiptik baǵdarlaýdan ótti», delingen vedomstvo habarynda.