Arqabaıdyń baıaǵyda áskerde júrip tapqan «paıdasynyń» biri temeki degen nárseni úırenip kelgeni edi. Elge oralǵan soń ezýinen shylymy túspeıtin boldy. Qoranyń sharbaǵyn jóndese de, kóliginiń dóńgelegin aýystyrsa da basyn bir jaǵyna qısaıtyp ezýindegi shylymyn tilimen eki jaǵyna kezek aýystyra, aýzyn oshaq, murnyn murja etip kók tútinge kómilip otyrǵanyn kóresiń.
О́tpeli kezeń deıtin anaý jyldary jurt bes-alty aılap aılyq ala almaı, dúken sóreleri qańyrap, halyq daǵdarǵan kezderi temeki de basqa zattardaı qatqa aınalǵan edi. Shylymqorlar tuqyl terip ketken sol ýaqyt bolatyn. Arqabaı bolsa ózgelerdeı kóp daǵdarmaı dereý nasybaıǵa kóship, beıimdelip aldy.
Shaqsha izdep qınalǵan da joq. Bıt dáriniń bosaǵan qutysy daıyn nasybaı shaqsha eken. Kúnine bir ýaq soǵan toltyryp alady da, tós qaltasyna salyp qoıady. Eki-úsh adamnyń basy qosylǵan jerde qaltasynan shaqshasyn alyp, qyryn qaraı ernine quıa salatyn. Arqabaıdyń nasybaı atý mólsherinde ernine kemshin nemese kópteý salynǵanyn tili ǵana anyqtaıdy. Birde teledıdardaǵy negrlerdi kórgende: «Pah shirkin! Erin dep osylardikin aıt. Naǵyz nasybaı atatyn-aq erin eken!» – dep onyń ózine buıyrmaǵanyna áldekimdi kinálaǵandaı keıip tanytqany bar.
Arqabaı qurdasy Ázimniń naýqastanyp qalǵanyn estip, kóńilin surap barǵysy-aq keledi. Biraq ótken joly О́serbaıdyń úıindegi jıynda onyń muny qatty renjitip, kóńilin qaldyrǵany esinen shyǵar emes. Sol joly О́serbaıdikine barmaq bolyp jınalyp júrgende kóligi qurǵyr lezde kelip qalyp, asyqtyryp júrip nasybaı shaqshasyn úıine qaldyryp ketipti. Bul nasybaı shirkinniń ańsary kelgende dúnıeniń bárin umytyp ketetiniń jaman. Qasynda otyrǵan Ázimniń qulaǵyna aqyryn sybyrlaı bir atarǵa shaqshasyn suraǵan edi. Ánsheıinde menikin kórseı, ózim ýqaladym dep shaqshasyn tyqpalap turatyn qurdasyn ne túlen túrtkenin kim bilsin, kóptiń kózinshe: «Shaqshańdy qaltańa salyp júrmeısiń be? Árkimnen surap atyp ne boldy? Baıýdyń jolyna túskenbisiń?» – dep dúrse qoıa bermesi bar emes pe!
Miniske atynyń maıyn suraǵanda bermeı jatsa týra mundaı renjimes. Aýzyna qalaı túse qalǵany qaıdam, ornynan atyp turǵan Arqabaı: «Atańnyń kóri! Osydan sen ólgende esigińnen de qaramaspyn!» – dep bir atym nasybaı úshin bir atan túıe kótere almas renishin aqtara salǵan bolatyn.
Arada birshama ýaqyt ótti. Aqyry ashýyn aqylǵa jeńdirgen Arqabaı Ázim qurdasynyń kóńilin surap shyǵýǵa bekindi.
-Áı, ıt-aı! Seniń keletinińdi bilip jatyr edim. О́tken jolǵy qylyǵym úshin meni keshir. Ol kezde shaqshamdy men de úıde umytyp ketippin. Nasybaıy qurǵyrdyń káıpi uryp, ańsarym aýyp senen suraımyn ǵoı dep otyrǵanda, kerisinshe, seniń suramasyń bar emes pe? – deı berdi. – Sende de, mende de kiná joq. Bar kiná umyt qaldyrǵan shaqshada ǵoı. Má, atyp kór! Keshe qısaıyp otyryp sekseýildiń kúlinen ózim daıyndadym», – dep nasybaı shaqshasyn Arqabaıdyń aldyna shıyra laqtyrdy.
– Marjandaı appaq tisterden bólek, kóńili qardaı appaq qurdastar arasyndaǵy jarasymdylyqqa daq salǵan qý nasybaıdan qashan qutylar ekenbiz, – dedi Arqabaı kóńili bosap.
Maqsat QARǴABAI.
Ońtústik Qazaqstan oblysy.