Nur-Sultan áýejaıy 15 shilde men 8 tamyz aralyǵynda kúndizgi ýaqytta jumys istemeıdi, dep habarlaıdy Egemen.kz.
Áýejaıdyń baspasóz qyzmetiniń málimetinshe, 15 shildeden 8 tamyzǵa deıingi aralyqta elordalyq áýejaıda ushý-qoný jolaǵyna jóndeý jumystary júrgiziledi. Nysannyń jumys ýaqyty jeti saǵatqa qysqarady, ıaǵnı, Nur-Sultannan ushýǵa nemese Nur-Sultanǵa tek tańerteń, keshke nemese túnde ushýǵa bolady. 11.00-den 18.00-ge deıin reıster bolmaıdy. 75 reıstiń 20-synyń kestesi ózgeredi.
«Ushý qaýipsizdigin qamtamasyz etý maqsatynda atalǵan jóndeý jyl saıyn júrgiziledi. Jóndeý jumystaryn júrgizý týraly sheshimdi áýejaı osy jyldyń aqpanynda qabyldady, sodan keıin jumys kestesi týraly aqparat áýekompanııalarǵa ýaqytyly jiberildi. Tasymaldaýshylar áýejaıdan alynǵan habarlama negizinde reıster kestesine ózgerister engizdi», delingen habarlamada.