Avtojol salasyn reformalaý sheńberinde «QazAvtoJol» UK» AQ «Qazaqavtojol» JShS-men biriktiriledi. Qaýly jobasy Úkimetke tamyz aıynda engiziledi, dep habarlaıdy Egemen.kz.
Úkimettiń keńeıtilgen otyrysynda Memleket basshysy Qasym-Jomart Toqaev Qazaqstanda biryńǵaı avtojol kompanııasyn qurýdy tapsyrǵan edi. Osyǵan oraı búginde arnaıy jumys toby qurylyp, iske kiristi.
Sonymen qatar «Respýblıkalyq menshiktiń keıbir máseleleri týraly» QR Úkimetiniń Qaýlysyna túzetýler engizý boıynsha joba daıarlanýda.
«QazAvtoJol» ulttyq kompanııasy men «Qazaqavtojol» JShS biriktirý týrasyndaǵy Prezıdent tapsyrmasyn iske asyrý boıynsha qurylǵan jumys toby iske kiristi. Jaqyn arada sońǵy 10 jylda júzege asyrylǵan avtojol jobalaryn tekserý jónindegi komıssııa qurylatyn bolady. Komıssııa quramyna memlekettik jáne prokýratýra organdary men «Atameken» ulttyq kásipkerler palatasynyń ókilderi kiredi», dedi Indýstrııa jáne ınfraqurylymdyq damý mınıstri Qaıyrbek О́skenbaev Úkimet otyrysynda.
«Ortalyqtandyrylǵan basqarý júıesi jumys tıimdiligin arttyrýǵa tyń serpin beredi dep kútilýde. Respýblıkalyq mańyzy bar joldardyń sapasy úshin jaýapkershilik biryńǵaı operatorǵa júkteledi», delingen QR IIDM baspasóz qyzmetiniń habarlamasynda.