Jetisýdaǵy járdemshi poıyz

Mamandar keńes júrgizip, dıag­nostıka, em-shara jasap, alǵash­qy medısınalyq kómek kórsetý­men shuǵyldanýda. Keńestik-dıagnos­tıka­lyq poıyzdyń mamandary múm­kindiginshe kóp pasıent qabyl­dap, tekserip, em taǵaıyndap, qajet bolsa aýdandyq, oblystyq aýrýha­nalarǵa jiberýge tyrysýda.

Poıyzdaǵy keńesshi-dáriger­ler­diń aıtýynsha, emdelýshilerdiń kóbi terapevt dárigerge júgingen. Bala­lar dárigerine kezekke turýshy kóp. Oftalmolog pen hırýrgke tekseri­lýshiler sany artqan. Poıyzda EKG, ÝDZ jáne flıýorografııa apparattary bar.

Mamandandyrylǵan medı­sına­lyq poıyzda kishigirim hı­rýrgııa­lyq operasııalar da jasalýda. Po­ıyz­daǵy joǵary sanatty oftalmolog dári­ger Sáken Kakpenov: «Men mun­daı saparǵa birinshi ret shy­ǵýym emes. Úsh jyl buryn «Járdem» medısına­lyq poıyzymen eldi aralap, qyz­met kórsetkenmin. Ol kezde ońtús­tik óńirlerde bolǵanbyz. Shalǵaı aýyldardaǵy kórý qabileti nashar­laǵan birneshe adamǵa kómektesip, rızashylyǵyn estip, umytylmas sátterdi bastan ótker­dim. Biz glaýkoma jáne kata­rak­ta sııaqty aýrýlardy erte anyq­t­ap, hırýrgııalyq jolmen emdeý arqyly kórý qabiletin jaq­sar­týdyń mańyzdylyǵyn túsin­dik. Medısınalyq poıyzdyń jumys tájirıbesi unaıdy. El arasyn­da qandaı syrqattar baryn baǵam­daımyz. Olarǵa qandaı kómek kórsetý keregin saralaımyz. Syr­qat­­tardyń oryn alý sebepterin anyq­taımyz. Sol arqyly aldyn alý sharalaryn jasaımyz», dedi.

Jetisý óńirin aralap júrgen poıyz búginge deıin 1 007 adamǵa qyzmet kórsetken. Kóbine dárigerlik naqtama qoıylyp, em-shara jasalyp, dári-dármek taǵaıyndaldy. Birazy jergilikti aýrýhana­lar­ǵa jatqyzyldy. «Salamatty Qazaq­stan» medısınalyq poıyzy Jetisý oblysynan keıin Shyǵys Qazaqstan, Abaı, Pavlodar, Aqmola, Soltústik Qazaqstan, Qostanaı oblystaryna jol tartpaq.

Jetisý oblysy