Halyqaralyq konkıshiler odaǵy (ISU) short-trekten 2022/23 jylǵy Álem kýbogy kezeńderiniń kúntizbesi men jarysty qabyldaıtyn qalalar tizimin jarııalady.
Short-trekten Álem kýbogynyń shymyldyǵy 2022 jyldyń 28-30 qazan kúnderi Kanadanyń Monreal qalasynda túriledi. Al maýsymnyń sońǵy jarysy 2023 jyldyń 10-12 aqpan kúnderine josparlanǵan. Bul kezeńdi Nıderlandtyń Dordreht qalasy qabyldaıdy. Sondaı-aq Álem kýbogynyń ekinshi jáne úshinshi kezeńderi 4-6 jáne 11-13 qarasha kúnderi AQSh-tyń Solt-Leık-Sıtı qalasynda, tórtinshi jáne besinshi kezeńderi Almatyda ótedi. Qazaqstandaǵy kezeńder 9-11 jáne 16-18 jeltoqsan kúnderine josparlanǵan. Aıta keteıik, short-trekten Álem kýbogynyń kezeńderi Qazaqstanda osymen ekinshi ret uıymdastyrylmaq. Buǵan deıin Almaty qalasy 2018 jylǵy muz ústindegi dodany ótkizgen edi.
Álem kýbogynyń keıingi kezeńderin Polshanyń Gdansk jáne Germanııanyń Drezden qalalary qabyldaıdy.