Jantúrshigerlik jol apaty 18 shilde kúni saǵat 02:45-te Oral qalasyndaǵy «VenOıl» janarmaı quıý beketine qarama-qarsy jerde oryn alǵan, dep habarlaıdy Egemen.kz.
Nissan jáne Lada kólikteri betpe-bet soqtyǵysqan.
«Basyp ozý kezinde Nissan júrgizýshisi qarsy jolaqqa shyǵyp ketip, Lada kóligimen soqtyǵysqan. Oqıǵa saldarynan bes adam oqıǵa ornynda kóz jumdy, taǵy úsheýi aýrýhanaǵa jatqyzyldy», dedi Oral qalalyq IIB jergilikti polısııa qyzmetiniń bólim bastyǵynyń orynbasary Konstantın Nedopekın.
Nissan júrgizýshisi men 10 jáne 13 jastaǵy eki bala aýrýhanada qaıtys bolǵany belgili boldy.
Qazirgi ýaqytta polısııa qyzmetkerleri jol-kólik oqıǵasynyń sebepteri men mán-jaıyn anyqtaý jumysyn jalǵastyrýda.