Aýyl ákimi laýazymyna saıası partııalardyń ókilderi men ózin-ózi usynǵandar úmitti, dep habarlaıdy Egemen.kz @Pavlodarnews.kz saıtyna silteme jasap.
Maı aýdanynda Kóktúbek jáne Qaraterek aýyldyq okrýgteriniń ákimderin tańdaıdy. Birinshi aýyldyń ákimi densaýlyǵyna baılanysty otstavkaǵa ketý týraly ótinish bergen. Munda úsh úmitker tirkeldi. Al aýyl ákimshiliginiń basshysy óz erkimen ketý týraly ótinish jazǵan Qaraterek aýyldyq okrýginde eki úmitker ótinish bergen. Bes úmitkerdiń barlyǵy – er adamdar.
Aýdandyq saılaý komıssııasynyń tóraıymy Svetlana Kishkenalınanyń aıtýynsha, eń úlken úmitker 53 jasta, eń jasy – 28-de.
«Úmitkerler óz qyzmetiniń baǵyttary boıynsha qarjylyq qyzmetpen, áleýmettik jumyspen aınalysady. Oqytýshylar men ınjener-qurylysshy da bar», dedi komıssııa tóraıymy.
Olardyń arasynda úsheýi - memlekettik qyzmetker, jumyssyz azamat jáne kommersııalyq qurylymnyń bir ókili bar. Saılaýǵa eki aýyldyq okrýgte 3258 saılaýshy qatysýda.Aqqýly aýdanyndaǵy Qaraqala aýyldyq okrýgi ákiminiń ókilettigi merziminen buryn toqtatylady. Onyń laýazymyna tórt úmitker baq synaýda. Úmitkerlerdiń jas shamasy 60 pen 30 jas arasynda.