Kásibı tennısshiler qaýymdastyǵy men Áıelder tennısi qaýymdastyǵy jańartylǵan reıtıngti jarııalady, dep habarlaıdy Egemen.kz.
QTF baspasóz qyzmeti málim etkendeı, Qazaqstannyń birinshi raketkasy Aleksandr Býblık 42-den 39-orynǵa kóterildi. Dmıtrıı Popko 194-inshi, Mıhaıl Kýkýshkın 204-inshi (+8), Tımofeı Skatov 211-inshi, Denıs Evseev 338-orynda tur.
Elordadaǵy jarystyń fınalyna deıin jetken Beıbit Jýkaev 473-ten birden 447-ge joǵarylady. Bul - Beıbit úshin jeke rekordtyq kórsetkish.
Juptyq synǵa keler bolsaq, Andreı Golýbev 43-inshi, Aleksandr Nedovesov 62-inshi, Grıgorıı Lomakın 205-shi orynǵa jaıǵasty.
Áıelder arasynda Elena Rybakına 23-shi ornyn saqtap qalsa, Iýlııa Pýtınseva 39-ynshy, Zarına Dııas 243-shi satyda tur. Juptyq synda Anna Danılına 19-shy orynǵa qaıta oralsa, Jibek Qulambaeva 259-ynshy, Gózal Aınıtdınova 445-inshi orynda keledi.