AQTAÝ. 30 sáýir. Mańǵystaý oblysynda júk poıyzy men avtokólik temir joldyń ústinde soqtysyǵys qaldy. Bul týraly oblystyq ishki ister departamenti baspasóz qyzmetiniń deregine súıengen egemen.kz tilshisi habarlady.
Oqıǵa keshe túnde Aqtaý qalasynan onshaqty shaqyrym jerde oryn alǵan. «VAZ-21099» avtokóligi 16 tirkemesi bar júk poıyzymen soqtyǵysqan. Nátıjesinde avtokóliktiń 31 jastaǵy júrgizýshisi oqıǵa ornynda qaıtys boldy. Al onymen kólikte birge bolǵan jolaýshy – 30 jastaǵy jigit oblystyq aýrýhanaǵa jetkizildi.
Aqparat kózderi opat bolǵan júrgizýshi jigit oblystyq mamandandyrylǵan kúzet qyzmeti basqarmasy qyzmetkeri ekenin aıtady. Aǵa serjant shenindegi polıseı Qyzylorda óńirinde týǵan, sońǵy jyldary Mańǵystaý oblysynyń Munaıly aýdanynda turǵan. 2006 jyldan beri quqyq qorǵaý salasynda qyzmet etken. Onyń artynda úsh sábıi qalyp otyr.
Qazir Mańǵystaý oblystyq ishki ister departamentiniń qyzmetkerleri jol-kólik oqıǵasynyń oryn alý sebebi men kinálilerdi anyqtaý úshin tergeý amaldaryn júrgizýde. Sot-medısınalyq saraptama jasalýda.
Gúlaıym Shyntemirqyzy.
Derekkóz: egemen.kz.
Foto: lada.kz.