PETROPAVL. 30 sáýir. Soltústik Qazaqstan oblysyndaǵy Presnov stansasynyń bir turǵyny óz úıiniń qoımasyn aqtaryp júrip, erekshe qarýǵa kezikken. Bul týraly Jambyl aýdandyq ishki ister bóliminiń deregine silteme jasaǵan egemen.kz tilshisi habarlady.
Teksere kelgende, bul qarýdyń úı ıesiniń atasynan qalǵan mura ekeni anyqtaldy. Kezinde Uly Otan soǵysyna qatysyp qaıtqan maıdanger ony kóp jyl boıy jasyryn saqtap kelgen eken. Saper kúregine uqsas ámbebep qarýdy mınoatqyshqa aınaldyrý op-ońaı kórinedi. Marqumnyń nemeresi endi aıaq astyna tabylǵan osy qymbat jádigerdi jergilikti quqyq qorǵaý organdaryna tapsyryp, ballıstıkalyq saraptama nátıjesin kútip otyr. Al mınoatqyshtyń naqty quny shyǵarylsa, mura ıesiniń qanshalyqty qarajat alatyny da belgili bolady.
О́mir Esqalı.
Derekkóz: Soltústik Qazaqstan oblysy Jambyl aýdandyq ishki ister bólimi.
Foto: www.bratishka.ru.