Qurlyqtyq hokkeı lıgasynda (QHL) óner kórsetetin elordanyń «Barysy» maýsymaralyq úziliste qataryn taǵy bir legıonermen tolyqtyrdy.
Atap aıtar bolsaq, amerıkalyq shabýylshy Entonı Lýıs QHL-diń aldaǵy maýsymynda elordalyq klýb sapynda óner kórsetetin boldy. 27 jastaǵy hokkeıshi Soltústik Amerıkanyń túrli lıgalarynda óner kórsetip, AQSh-tyń jasóspirimder men jastar quramalaryna shaqyrtý alǵan. 18 jasynda «Chıkago» komandasynyń oıynshysy atanǵan ol keıingi alty jylyn Amerıka hokkeı lıgasynda (AHL) ótkizgen. Al byltyrǵy maýsymda «Dallastyń» farm-klýbynda óner kórsetip, turaqty chempıonattyń 66 matchynda 55 (24+31) upaı jınaǵan.
Sondaı-aq elordalyq klýb qazaqstandyq Batyrlan Muratov jáne Mıhaıl Rahmanovpen synama kelisimshart jasaǵanyn málimdedi. Kelisimshart 2022 jyldyń 31 tamyzyna deıin jaramdy. Eki hokkeıshi de ár jyldary «Barys» sapynda oınaǵan.