Bıylǵy oqý jylynda Semeıdiń bilim berý qory eki jańa mekteppen tolyǵady. Máselen, Shyǵys kentinde 1 200 oqýshyǵa arnalǵan mektep ashylsa, Stepnoı kentinde 300 oryndyq mektep balalardyń ıgiligine beriledi.
Bul jóninde oblys ákimi Nurlan Uranhaev bilim berý nysandarynyń qurylysymen tanysý kezinde aıtty. О́ńir basshysy Semeıdegi mektepter men kóp páterli úılerdiń qurylysyn baqylap qaıtty.
Aıtalyq, Stepnoı eldi mekeninde aıaldap, 300 oqýshyǵa shaqtalǵan mekteptiń qurylys jumystaryna qanyqty.
«Qazir munda árleý jumystary júrgizilip jatyr. Qyrkúıekke deıin barlyq jumys aıaqtalady. Jylýmen jabdyqtaý jelilerine baılanysty máseleler bar», dedi merdiger kompanııa ókilderi.
Oblys ákimi Shyǵys kentindegi 1 200-deı balany qabyldaýǵa qaýqarly mekteptiń de qurylysyn baqylap, ondaǵy jumystardyń qarqynyn baǵalady.
Mektepte úlken sport zaly qarastyrylatynyn kórip, óskeleń urpaqtyń arasynda buqaralyq sportty damytýdyń mańyzdylyǵyn aıtty.
N.Uranhaev Qaraǵaıly shaǵyn aýdanyndaǵy toǵyz qabatty turǵyn úıdiń qurylysynyń barysyn baǵamdady. Jylý jelilerine baılanysty keıbir problemalar bar ekeni anyqtaldy. Ony jaqyn arada sheshý úshin beıindi basqarmalar men bólimderge jumys barysyn baqylaý tapsyryldy.
Abaı oblysy