Astana qalasyna baryp, Qazaqstan halqy Assambleıasynyń HHI sessııasyna qatysyp keldim. Elbasynyń sarabdal saıasatyna bir men emes, Qazaqstanda turatyn 130-dan astam etnos ókilderiniń dán razy bolǵanyn óz kózimmen kórip, erekshe bir qýat alyp hám maqtanysh sezimimen elge oraldym. Sol sezimdi, iltıpatty kórgen týystarym óte razy.
Negizi Taldyqorǵan óńirinde eki myńnan astam kúrdter turamyz. El zańnamasyna saı eńbek etip, quqyǵymyz teń qorǵalýda. Eshkimnen qaǵajý kórgemiz joq. Bile-bilsek, bul – tatýlyqty tirek etip, Qazaqstan Respýblıkasynyń Kók baıraǵynyń astynda yntymaqty saqtaı bilgendiktiń jemisi. Taǵy bir basa aıtar jaıt – Elbasy Qazaqstan halqy Assambleıasyna erekshe kóńil bólgendikten osyǵan deıin oblystarda bólim bolyp, mádenıet basqarmasy quramynda jumys istegen oblystyq fılıaldary, ıaǵnı Dostyq úıinde bas qosatyn etnos ókilderiniń ujymdary endi jeke basqarmaǵa aınalyp, qaıta qurylatyn boldy. Sóıtip, quzyry keńeıip, mártebesi kóterilgen jańa basqarma jumysy tyń serpin alatyny anyq. Dostyq úıleriniń sán-saltanaty burynǵydan da asatyny taǵy anyq.
Shyny kerek, osyǵan deıin de etnostarǵa qatysty máselelerdiń oń sheshim taýyp kelgeni óńir basshysynyń memlekettik saıasatqa saı bizdi qoldap júrgendiginiń jemisi ǵoı. Sondyqtan óz qandastarymnyń atynan aıtarym tek alǵys. Darhan júrekti, kóńili dalasyndaı keń qazaq jerinen pana taýyp, eńbek etip, urpaq ósirip órkendep otyrǵanymyz yntymaqtyń arqasy. Sol yntymaqtyń uıytqysy bolý basty paryzymyz, tipti, mindetimiz dep sanaımyn. Bul oıymdy Jetisý jerine taǵdyrdyń jazýymen kelip, ósip-ónip otyrǵan barlyq etnos ókilderi qoldary haq. Olaı deıtinim, kúndelikti tirlikte aralasyp júrgen jandar kózqarastary osyndaı.
Alı MOMÝChOǴLY,
«Barbang» kúrdter assosıasııasy
aýmaqtyq fılıalynyń tóraǵasy.
TALDYQORǴAN.