Bir joqty bir joq tapty

Alaıda bala úıine qaıta­ryl­ǵa­nymen eki kúnnen keıin qaıta qashqan. «Arqada qys jaıly bolsa arqar aýyp nesi bar» demekshi, úıindegi jaǵdaıy jaıly bolsa, bala da úıinen ketpes edi. Iývenaldyq polısııa bul jaǵyna asa mán bermegen sııaqty. Tek izdestirý sharalaryna qaıta kirisken.

Qyzyljar turǵyndarynyń aptap ystyqtan panalaıtyn jalǵyz jeri – qala mańyndaǵy «Pestryı» kóli. Osy kóldiń jaǵajaıynda halyq qaptap júredi. Iývenaldyq polısııa 12 jasar qashqyndy osy jaǵajaıdy súzip júrip tapqan. Bala taǵy da úıine qaıtaryldy, biraq bul joly qashanǵa deıin ata-anasymen birge turary belgisiz...

«Pestryı» kóliniń jaǵajaıyn súzip, úlkenderdiń bastaýynsyz júrgen bala ataýlyny qaqqan polıseıler basqa da «joǵalǵan balalarǵa» tap boldy. Elimizdiń ońtústigindegi Túrkistan oblysynan soltústikke «serýendeýge» kelgen kámeletke tolmaǵan 4 bala da osy jaǵajaıda rahattanýda eken. Bulardy da ata-analary joǵaltyp, polısııaǵa izdeýge beripti. «Ser­ýendeýshi serilerdiń» jastary 16-dan aspaǵan. Bizde jeke bas­ty kýálandyratyn qujat 16 jastan beriledi ǵoı, mynalardyń jolǵa bılet alý úshin kýálikteri bolǵan sııaqty. Al aqshany qaıdan alǵany belgisiz. Ata-anasyn alańdatyp, mundaı serýenge shyqqandar aqsha tabýdyń krımınaldyq jolyn izdeıtindigi de haq. Demek, talaı adamnyń qaltasyna túsip nemese sál qaraýsyz qalǵan dúnıelerin qaq­shyp júrgenderi de kúmán týǵyz­­bas...

«Qazir tórteýi de kámeletke tol­ma­ǵandardy beıimdeý ortaly­ǵy­na jetkizildi, ata-analaryna olardyń júrgen jeri týraly habarlandy», deıdi Petropavl qalasy PB JPQ bóliminiń bastyǵy, polısııa maıory Rýstam Sadýlov.

Sonymen birge jasóspirimder tarapynan tirkelgen qylmystarǵa bulardyń qatystylyǵy da anyq­ta­latyn shyǵar. Bir joqtyń arqa­synda tabylǵan kóp joqtyń bola­shaq taǵdyry týraly ata-ana­laryna oı salarlyq tárbıe jumystary da júrgizilýi kerek-aq...

PETROPAVL