Talantty qazaqstandyq mánerlep syrǵanaýshy Denıs Tenniń ssenarııi boıynsha túsirilgen «Soqyr mahabbat» fılmi 28 shildeden bastap prokatqa shyǵady. Kınokartınanyń bas prodıýseri – Tımýr Bekmambetov.
Fılmniń sıýjeti áleýmettik jelide tanysqan taǵdyrly jandardyń mahabbatyna qurylǵan. Biri zaǵıp, biri mylqaý.
Denıs Ten bul ssenarııdi 2018 jyly Tımýr Bekmambetovtiń kınokompanııasy atynan Screenlife Contest baıqaýyna qatysý úshin jazǵan edi. О́tinishin jasyryn joldap, fınalıster qatarynan kórindi.
«Men Denıske pıtchıngke qatys dep ıdeıa aıttym. Sosyn ol jasyryn túrde ótinish berdi. Baıqaýǵa álemniń túkpir-túkpirinen 250-den astam ótinim túsken. Nátıjesinde, Máskeýde ótken halyqaralyq baıqaýda Denıs jeńimpaz atandy. Biz túsirilimdi Los-Andjelesten bastaýdy josparlap qoıǵanbyz. Bul qaıǵyly oqıǵadan bir aı buryn bolǵan edi. Keıin Denıstiń anasymen birge fılmdi túsirý kerek dep sheshtik», deıdi sportshynyń dosy, atqarýshy prodıýser Igor Saı.
Túsirilim jumystary 2019 jyldyń basynda bastalyp, úsh aıǵa sozylǵan. Rejısseri – Venesııa kınofestıvaliniń jeńimpazy Chak Che. Halyqaralyq fılmdi túsirýge qazaqstandyq mamandar da atsalysty.
Igor Saıdyń aıtýynsha, fılm el nazaryna 28 shildeden bastap usynylmaq. Sondaı-aq kúzde Ońtústik Koreıada prokatqa shyǵady.