Bul týraly Qasym-Jomart Kemeluly Ortalyq Azııa memleketteri basshylarynyń IV Konsýltatıvtik kezdesýinde aıtty, dep habarlaıdy Egemen.kz.
«Ortalyq Azııa halyqtarynyń baı tarıhı-mádenı murasyn nasıhattaýdy birlesken jumystyń mańyzdy bóligi dep sanaımyn. Osy maqsatta etnogeografııalyq jáne tarıhı zertteýlerdi, sondaı-aq ǵylymı eńbekter shyǵarýdy birlesip uıymdastyrý maqsatynda memleketterimizdiń Ǵylym akademııalary arasynda tyǵyz baılanys ornatý usynylyp otyr», dedi Prezıdent.
Sondaı-aq Ulttyq muraǵat ortalyqtary men kitaphanalardyń yntymaqtastyǵy negizinde ǵylym salasyndaǵy yntymaqtastyqty tereńdetý maqsatynda muraǵattyq jáne zertteý derekterimen almasý úshin birlesken onlaın platforma qurý usynyldy.