Fýtzaldan 2024 jylǵy álem chempıonaty negizgi satysyndaǵy Qazaqstan quramasynyń qatysýymen ótetin oıyndar kestesi belgili boldy, dep habarlaıdy Egemen.kz.
Aıta keteıik, ulttyq qurama besinshi topqa tústi. Qarsylastary - Slovenııa jáne Chernogorııa.
Qazaqstandyq fýtzalshylar alǵashqy oıynyn óz alańynda bıylǵy jyldyń 8 qazanynda Slovenııaǵa qarsy ótkizedi. Odan keıin 12 qazanda syrt alańda Chernogorııamen sheberlik baıqasady. Al Chernogorııamen óz alańyndaǵy oıyny 9 qarashaǵa belgilense, Slovenııamen taǵy bir kezdesý 2023 jyldyń 8 naýryzynda bolady.
Eske sala keteıik, negizgi irikteý kezeńi 12 toptan turady. Ár toptyń jeńimpazdary men ekinshi oryn alǵan tórt úzdik komanda tikeleı elıtalyq kezeńge shyǵady. Ekinshi oryn ıelengen qalǵan segiz komanda ótpeli oıyndar arqyly taǵy tórt joldamany sarapqa salady.
Fýtzaldan Qazaqstan quramasy álem chempıonaty elıtalyq satysynda 2000, 2016, 2021 jyldarda synǵa tústi. Olar 2021 jyly tórtinshi orynǵa taban tiredi.