Jabaıy qustyń ý-shýy kóp qalaǵa kirgenin kórip pe edińiz? Alaıda munaıly shahardaǵy turǵyn úı alabynda jaıbaraqat júrgen kókqutan turǵyndardy tańdandyrǵany daýsyz. Qustyń turǵyn úı alabyna kelýine usha almaǵany sebep bolýy múmkin.
Oblystyq orman sharýashylyǵy jáne janýarlar dúnıesi aýmaqtyq ınspeksııasynyń bas mamany Nurlan Imanǵalıevtiń aıtýynsha, jabaıy qusty qaladaǵy «Avangard-3» shaǵyn aýdany turǵynynyń biri – Natalıa esimdi áıel ustap alǵan. Ol jabaıy qusty tabıǵı mekenine jiberý úshin eriktilerden kómek suraǵan.
Al eriktiler jabaıy qus týraly derekti ınspeksııaǵa habarlaǵan. Inspeksııa mamandary turǵynnyń úıindegi jabaıy qustyń kókqutan ekenin anyqtady.
– Turǵynnyń jabaıy qusty úıine alyp ketkeni durys boldy. Áıtpese, kóshede júrgen qańǵybas ıtter kókqutandy talap tastaýy múmkin edi. Qazir jabaıy qustardyń túleıtin kezeńi ótip jatyr. Sol sebepten, qustardyń ushýy qıynǵa soǵady. Bizdiń mamandar kókqutandy tekserýden ótkizdi. Jabaıy qus jaraqat almaǵan, – deıdi Nurlan Imanǵalıev.
Jabaıy qus kanalǵa jiberildi. Inspektorlardyń aıtýynsha, tabıǵı mekendeý ortasyna uqsas kanalda kókqutannyń ál jınaýyna múmkindik bar.
Atyraý oblysy