Mańǵystaý oblysynda «Qazaqstan máslıhattary depýtattarynyń birlestigi» RQB keńesiniń kóshpeli otyrysy ótti. Jıyn barysynda jergilikti ózin-ózi basqarý týraly zań jobasy talqylandy. Mańǵystaý oblysynda «Qazaqstan máslıhattary depýtattarynyń birlestigi» RQB keńesiniń kóshpeli otyrysy ótti. Jıyn barysynda jergilikti ózin-ózi basqarý týraly zań jobasy talqylandy.
Jıynǵa Mańǵystaý oblysynyń ákimi Nurlan Noǵaev, «Qazaqstan máslıhattary depýtattarynyń birlestigi» RQB tóraǵasy Tóleýbek Muqashev, oblystar men respýblıkalyq mańyzy bar qalalar máslıhattarynyń hatshylary, Mańǵystaý oblystyq máslıhatynyń depýtattary, sondaı-aq qalalyq jáne aýdandyq máslıhattardyń hatshylary qatysty.
Kóshpeli otyrysta «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» zań jobasy talqylanyp, referendýmdy qoldaý jónindegi qoǵamdyq shtab jumysynyń qorytyndysy tyńdaldy.
Basqosýda sóz alǵan aımaq basshysy atalǵan zań jobasynyń halyq úshin mańyzyna toqtalyp, referendýmǵa jergilikti turǵyndardyń belsene qatysqanyn aıtyp ótti.
– Memleket basshysynyń Qazaqstan halqyna Joldaýy aıasynda saıası júıe men ákimshilik-aýmaqtyq qurylymdy ózgertý boıynsha naqty mindetter qoıyldy. Osyǵan oraı óńirlerdiń derbestigin keńeıtý boıynsha jumystar júrgizilip, jergilikti ózin-ózi basqarý týraly zań ázirlenip jatyr. Basty mindet jergilikti ózin-ózi basqarý organdary ókilettikterin keńeıtýge, jergilikti atqarýshy, ózin-ózi basqarý organdary jumysynyń tıimdiligin qamtamasyz etýge baǵyttalǵan, – dedi Nurlan Noǵaev.
Is-sharaǵa qatysýshylar «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» zań jobasy boıynsha baıandama jasap, óz usynystary men pikirlerin ortaǵa saldy.
Mańǵystaý oblysy