Qazaqstan Respýblıkasy Úkimetiniń qaýlysy №159

2014 jylǵy 28 aqpan,  Astana, Úkimet Úıi «Astyq eksporttaýshyǵa memlekettik astyq resýrstaryna astyqty jetkizý jónindegi mindettemelerdi astyq eksporttaýshylardyń saqtaýy týraly rastamany berý» memlekettik kórsetiletin qyzmet standartyn bekitý týraly «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasynyń Zańy 6-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan «Astyq eksporttaýshyǵa memlekettik astyq resýrstaryna astyqty jetkizý jónindegi mindettemelerdi astyq eksporttaýshylardyń saqtaýy týraly rastamany berý» memlekettik kórsetiletin qyzmet standarty bekitilsin. 2. «Aýyl sharýashylyǵy salasynda memlekettik qyzmetter standarttaryn bekitý týraly jáne «Jeke jáne zańdy tulǵalarǵa kórsetiletin memlekettik qyzmetterdiń tizilimin be­kitý týraly» Qazaqstan Respýblıkasy Úkimetiniń 2010 jylǵy 20 shildedegi № 745 qaýly­syna ózgerister engizý týraly» Qazaqstan Respýblıkasy Úkimetiniń 2012 jylǵy 31 tamyzdaǵy № 1108 qaýlysynyń (Qazaqstan Respýblıkasynyń PÚAJ-y, 2012 j., № 67, 973-qujat) 1-tarmaǵy 14) tarmaqshasynyń kúshi joıyldy dep tanylsyn. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri S.AHMETOV. Qazaqstan Respýblıkasy Úkimetiniń 2014 jylǵy 28 aqpandaǵy №159 qaýlysymen bekitilgen «Astyq eksporttaýshyǵa memlekettik astyq resýrstaryna astyq jetkizý jónindegi mindettemelerdi astyq eksporttaýshylardyń saqtaýy týraly rastama berý» memlekettik kórsetiletin qyzmet standarty 1. Jalpy erejeler 1. «Astyq eksporttaýshyǵa memlekettik astyq resýrstaryna astyq jetkizý jónindegi mindettemelerdi astyq eksporttaýshylardyń saqtaýy týraly rastama berý» memlekettik kórsetiletin qyzmeti (budan ári – memlekettik kórsetiletin qyzmet). 2. Memlekettik kórsetiletin qyzmet standartyn Qazaqstan Respýblıkasy Aýyl sharýashylyǵy mınıstrligi (budan ári – Mınıstrlik) ázirledi. 3. Memlekettik kórsetiletin qyzmetti Mınıstrliktiń Agroónerkásiptik keshendegi memlekettik ınspeksııa komıteti (budan ári – kórsetiletin qyzmetti berýshi), onyń ishinde «elektrondyq úkimettiń» www.e.gov.kz veb-portaly arqyly (budan ári – portal) kórsetedi. О́tinishterdi qabyldaý jáne memlekettik qyzmet kórsetý nátıjelerin berý kórsetiletin qyzmetti berýshiniń keńselerimen portal arqyly júzege asyrylady. 2. Memlekettik qyzmetti kórsetý tártibi 4. Memlekettik qyzmetti kórsetý merzimderi: 1) kórsetiletin qyzmetti berýshige qujattar toptamasy tapsyrylǵan sátten bastap, sondaı-aq portalǵa júgingen kezde – 3 (úsh) jumys kúni ishinde; 2) qujattar paketin tapsyrý úshin kútýdiń ruqsat etiletin eń uzaq ýaqyty – 30 (otyz) mınýttan aspaıdy; 3) qyzmet kórsetýdiń ruqsat etiletin eń uzaq ýaqyty – 30 (otyz) mınýttan aspaıdy. 5. Memlekettik qyzmetti kórsetý nysany: elektrondyq (ishinara avtomattandyrylǵan) jáne (nemese) qaǵaz túrinde. 6. Memlekettik qyzmetti kórsetý nátıjesi – astyq eksporttaýshylardyń memlekettik astyq resýrstaryna astyq jetkizý jónindegi mindettemelerdi saqtaýy týraly rastama (budan ári – rastama). Memlekettik qyzmetti kórsetý nátıjesin berý nysany: qaǵaz túrinde. 7. Memlekettik kórsetiletin qyzmet aqysyz kórsetiledi. 8. Jumys kestesi: 1) kórsetiletin qyzmetti berýshiniń – Qazaqstan Respýblıkasynyń eńbek zańna­masyna sáıkes demalys jáne mereke kúnderinen basqa dúısenbiden jumaǵa deıin, saǵat 13.00-den 14.30-ǵa deıingi túski asqa úzilispen saǵat 9.00-den 18.30-ǵa deıin. Qabyldaý aldyn ala jazylýsyz jáne jedeldetilgen qyzmet kórsetýsiz kezek kútý tártibimen júzege asyrylady. 2) portalda – táýlik boıy (jóndeý jumystaryn júrgizýge baılanysty tehnıkalyq úzilisterdi qospaǵanda). 9. Memlekettik kórsetiletin qyzmetti alý úshin kórsetiletin qyzmetti alýshy ne onyń ókili júgingen kezde: 1) kórsetiletin qyzmetti berýshige osy memlekettik kórsetiletin qyzmet standartyna qosymshada kórsetilgen nysan boıynsha ótinim beredi; 2) portalǵa – kórsetiletin qyzmetti alýshynyń ESQ-men kýálandyrylǵan elektrondyq qujat nysandaǵy ótinish. Kórsetiletin qyzmetti alýshyǵa: 1) ótinimniń qabyldanǵan nómiri men kúni; 2) suratylyp otyrǵan memlekettik kórsetiletin qyzmet túrin; 3) memlekettik kórsetiletin qyzmetti alý kúnin (ýaqytyn); 4) qujattardy qabyldaǵan adamnyń tegin, atyn, ákesiniń atyn (jeke basty kýálandyratyn qujatta bar bolsa); 5) kórsetiletin qyzmetti alýshynyń tegin, atyn, ákesiniń atyn (jeke basty kýálandyratyn qujatta bar bolsa) (jeke tulǵalar úshin) nemese ataýyn (zańdy tulǵalar úshin), baılanys derekterin kórsete otyryp, ótinimdi qabyldaý týraly qolhat beriledi. 3. Memlekettik qyzmetti kórsetý máseleleri boıynsha ortalyq memlekettik organdardyń, kórsetiletin qyzmetti berýshilerdiń jáne (nemese) olardyń laýazymdy adamdarynyń sheshimderine, áreketine (áreketsizdigine) shaǵymdaný tártibi 10. Memlekettik qyzmetter kórsetý máseleleri boıynsha kórsetiletin qyzmetti berýshiniń jáne (nemese) onyń laýazymdy adamdarynyń sheshimderine, áreketine (áreketsizdigine) shaǵymdaný: shaǵym Astana qalasy, Kenesary kóshesi 36, 710-kabınet mekenjaıy, telefony: 8 (7172) 55-59-03 boıynsha kórsetiletin qyzmetti berýshi basshysynyń atyna, sondaı-aq Astana qalasy, Kenesary kóshesi 36, 301-kabınet, telefony: 8 (7172) 55-57-63 mekenjaıy boıynsha Qazaqstan Respýblıkasy Aýyl sharýashylyǵy mınıstriniń atyna beriledi. Shaǵymdar jazbasha nysanda poshta ne kórsetiletin qyzmetti berýshiniń keńsesi, Mınıstrliktiń keńsesi arqyly qolma-qol qabyldanady. Shaǵymda kórsetiletin qyzmetti alýshynyń tegi, aty, ákesiniń aty (jeke basty kýálandyratyn qujatta bar bolsa), poshtalyq mekenjaıy, shaǵymnyń berilgen kúni kórsetiledi jáne kórsetiletin qyzmetti alýshynyń qoly qoıylady. Shaǵym bergen kezde áreketi nenemese áreketsizdigine shaǵym beriletin laýazymdy adamdardyń laýazymy, tegimen aty-jóni, júginý ýájderimen talaptary kórsetiledi. Kórsetiletin qyzmetti berýshiniń keńsesinde shaǵymdy qabyldaǵan adamnyń tegi men aty-jónin, berilgen shaǵymǵa jaýap alýdyń merzimi men ornyn kórsete otyryp, shaǵymdy tirkeý (mórtaban, kiris nómiri men kúni) onyń qabyldanǵanyn rastaý bolyp tabylady. Tirkelgennen keıin shaǵym jaýapty oryndaýshyny aıqyndaý jáne tıisti sharalardy qabyldaý úshin kórsetiletin qyzmetti berýshiniń basshysyna jiberiledi. Kórsetiletin qyzmetti alýshynyń shaǵymynda: 1) jeke tulǵanyń – tegi, aty, ákesiniń aty, poshtalyq mekenjaıy kórsetiledi; 2) zańdy tulǵanyń – ataýy, poshtalyq mekenjaıy, shyǵys nómiri jáne kúni kórsetiledi. Shaǵymǵa kórsetiletin qyzmetti alýshynyń qoly qoıylýy tıis. Kórsetiletin qyzmetti berýshiniń nemese Mınıstrliktiń atyna kelip túsken kórsetiletin qyzmetti alýshynyń shaǵymy ony tirkegen kúnnen bastap bes jumys kún ishinde qaralýǵa jatady. Shaǵymdy qaraý nátıjeleri týraly dáleldi jaýap kórsetiletin qyzmetti alýshyǵa poshta arqyly ne kórsetiletin qyzmetti berýshiniń nemese Mınıstrliktiń keńsesinde qolma-qol beriledi. Portal arqyly júgingen kezde shaǵymdaný tártibi týraly aqparatty biryńǵaı baılanys ortalyǵynyń 1414 telefony arqyly alýǵa bolady. Shaǵymdy portal arqyly jibergen kezde kórsetiletin qyzmetti alýshyǵa «jeke kabınetinen» kórsetiletin qyzmetti berýshi ótinishterdi óńdeý barysynda jańartylyp otyratyn ótinish týraly aqparat (shaǵymdy jetkizý, tirkeý, oryndaýtýraly belgi, qaraý nemese qaraýdan bas tartý týraly jaýap) qoljetimdi bolady. Kórsetilgen memlekettik qyzmettiń nátıjeleri men kelispegen jaǵdaıda kórsetiletin qyzmetti alýshy memlekettik qyzmetter kórsetý sapasyn baǵalaý jáne baqylaý jónindegi ýákiletti organǵa shaǵymmen júgine alady. Memlekettik qyzmetter kórsetý sapasyn baǵalaý jáne baqylaý jónindegi ýákiletti organnyń atyna kelip túsken kórsetiletin qyzmetti alýshynyń shaǵymy ony tirkegen kúnnen bastap on bes jumys kúni ishinde qaralýǵa jatady. 11. Kórsetilgen memlekettik qyzmet nátıjelerimen kelispegen jaǵdaıda kórsetiletin qyzmetti alýshynyń Qazaqstan Respýblıkasynyń zańnamasynda belgilengen tártippen sotqa júginýge quqyǵy bar. 4. Memlekettik qyzmettiń, onyń ishinde elektrondyq nysanda kórsetiletin qyzmettiń erekshelikteri eskerilgen ózge de talaptar 12. Memlekettik qyzmetti kórsetý oryndarynyń mekenjaılary: 1) Mınıstrliktiń www.minagri.gov.kz ınternet-resýrsynda; 2) portalda ornalastyrylǵan. 13. Kórsetiletin qyzmetti alýshynyń ESQ bolǵan jaǵdaıda memlekettik kórsetiletin qyzmetti portal arqyly elektrondyq nysanda alý múmkindigi bar. 14. Kórsetiletin qyzmetti alýshynyń portaldyń «jeke kabıneti», sondaı-aq memlekettik qyzmet kórsetý máseleleri jónindegi biryńǵaı baılanys ortalyǵy arqyly qashyqtyqtan qol jetkizý rejıminde memlekettik qyzmet kórsetý tártibi jáne mártebesi týraly aqparatty alý múmkindigi bar. 15. Memlekettik qyzmetti kórsetý máseleleri boıynsha anyqtama qyzmetteriniń baılanys telefondary www.minagri.gov.kz ınternet-resýrsynda kórsetilgen. Memlekettik qyzmetter kórsetý máseleleri jónindegi biryńǵaı baılanys ortalyǵy: 1414. «Astyq eksporttaýshyǵa memlekettik astyq resýrstaryna astyq jetkizý jónindegi mindettemelerdi astyq eksporttaýshylardyń saqtaýy týraly rastama berý» memlekettik kórsetiletin qyzmet standartyna qosymsha Qazaqstan Respýblıkasy Aýyl sharýashylyǵy mınıstrliginiń Agroónerkásiptik keshendegi memlekettik ınspeksııa komıtetine _______________________________________________________________________________________ Zańdy tulǵanyń ataýy nemese jeke tulǵanyń tegi, aty, ákesiniń aty (jeke basty kýálandyratyn qujatta bar bolsa) О́tinim Memlekettik astyq resýrstaryna kólemi ____________________________________________________________________ (sıfrlarmen jáne jazbasha) _______________________________________________________________tonna astyq jetkizý boıynsha mindettemelerdi saqtaǵanym týraly rastama berýdi suraımyn. Eksporttalatyn astyq kólemi______________________________________________________ _______________________________________________________tonna (sıfrlarmen jáne jazbasha) Kórsetiletin qyzmetti alýshynyń mekenjaıy: ____________________________ _______________________________________________________________________________________ (ındeks, aýdan, oblys, qala (aýyl), kóshe, úı №, telefon) _________________ ___________________________________________________ (qoly) (tegi, aty, ákesiniń aty (jeke basty kýálandyratyn qujatta bar bolsa)) M.O. (zańdy tulǵa úshin) 20___ jylǵy «___» ________________ О́tinim 20___ jylǵy «___» ___________ № _____ qaraýǵa qabyldandy _______________________________________________________________________________________ (ótinimdi qabyldaǵan jaýapty adamnyń tegi, aty, ákesiniń aty (jeke basty kýálandyratyn qujatta bar bolsa), qoly)