Almaty qalalyq Tótenshe jaǵdaılar departamenti «Qazgıdrometke» silteme jasap aýa raıyna qatysty eskertý jarııalady, dep habarlaıdy Egemen.kz.
24-28 shilde aralyǵynda Almatyda synap baǵanasy 36-38 gradýsqa deıin kóteriledi. Osyǵan baılanysty Almaty qalasy TJ Departamenti tómendegi qaýipsizdik sharalaryn saqtaýdy usynady:
Kún sáýlesi tikeleı túsetin jerlerde múmkindiginshe az bolýǵa tyrysyńyz. Esińizde bolsyn, saǵat 12:00-den 16:00-ge deıingi ýaqytta kúnniń sáýlesi belsendi bolady. Deneni kún sáýlesinen qorǵap, jabyq kıim kııýge tyrysyńyz jáne kúnnen qorǵaıtyn syqpa maılar qoldanyńyz; Alkogoldi ishimdik ishpeńiz, sebebi alkogol ystyqta aǵzaǵa tez áser etedi jáne dene joǵary temperatýraǵa sezimtal bolady; Suıyqtyqty (salqyndatylǵan sý, mıneraldy sý) múmkindiginshe kóp ishýge tyrysyńyz; Denege salmaq túsirmeńiz. Kúshti júkteme ystyqta jylý almasýdy arttyrady da aǵzany sýsyzdanýǵa ákelip soqtyrady; Avtokóliktermen uzaq saparlardy shektegen jón, eger bul múmkin bolmasa, jolda múmkindiginshe abaı bolyńyz; Balalardy kólikterdiń ishine az ýaqytqa bolsa da qaldyrmańyz. Qatty ystyqtan bala esinen tanyp qalýy múmkin.Eger siz tótenshe jaǵdaıǵa tap bolsańyz «112», «101» biryńǵaı qutqarý qyzmetine qońyraý shalyńyz.