Júrek ortalyǵyndaǵy trenıng

Trenıngti GISP pedıatrııadaǵy sımýlıasııa boıynsha halyqaralyq tobynyń úılestirýshisi, Dmıtrıı Rogachev atyndaǵy Balalar gematologııasy, onkologııa jáne ımmýnologııa ulttyq medısınalyq zertteý ortalyǵynyń akkredıtteý jáne sımýlıasııa bóliminiń basshysy Ýgo Loaısa júrgizdi. Oqytý barysynda dárigerler teorııalyq bó­limmen tanysty, pasıentterde tynys alý jetkiliksizdigi kezindegi О́JJ apparattary rejimderiniń parametrleri men synyptamalaryn zerttedi. Kýrsqa qatysýshylar alǵan bilimderin oqytýdyń praktıkalyq bóliginde bekitti, onyń barysynda naqty jaǵdaılar rejiminde medısınalyq apparatýra men jab­dyq­tar qoldanyldy. Trenıng sońynda manekenderdegi kúrdeli klınıkalyq jaǵ­daılardyń sımýlıasııalyq sse­na­rıı­leri pysyqtaldy. Oqytýdyń bul tásili mamandardy pasıentterdi bas­qarýda jedel jáne tıimdi sheshim qabyldaý úshin daıyndaýǵa kómektesedi.

«Bul kýrs belsendi formatta, tal­qylaýlarmen jáne sapaly keri baı­lanyspen ótti. Artyqshylyǵy, klı­nıkalyq máselelerdi sheshýde jańa bilimdi qoldaný jáne daǵdylardy klı­nıkada tikeleı damytý múmkindigi bol­­dy. Operasııalar jáne operasııadan keıingi qalpyna keltirý kezinde ókpeni jasandy jeldetý apparattary pasıentterdiń ornyna tynys alýdy qoldaıdy. Sondyqtan, pasıentterdiń jaǵdaıyna baılanysty jabdyqtyń parametrlerin retteı bilý olardyń tez saýyǵýy úshin mańyzdy», dep bólisti Júrek ortalyǵynyń anestezıologııa bóliminiń klınıkalyq-akademııalyq dırektory Aıdyn Qýanyshbek.

Respıratorlyq qoldaýdy oqytý ádistemesi sımýlıasııalyq trenıngter ót­kizýge bilikti nusqaýshylardy da­ıyn­daýǵa jáne olardyń kásibı bilik­ti­ligin arttyrýǵa baǵyttalǵan. Kýrs aıaq­talǵannan keıin qatysýshylar GISP pedıatrııadaǵy sımýlıasııa boıynsha halyqaralyq tobynyń nusqaýshy retin­de kýrstardy ótkizý quqyǵyn beretin halyqaralyq sertıfıkattaryn aldy. Aıta keteıik, Júrek ortalyǵynyń mamandary óz oqý bazasyn quryp, klınıkada respıratorlyq qoldaý boıynsha osyndaı trenıngter ótkizýdi josparlap otyr.