ASTANA. 1 mamyr. Qytaıdyń Sınszıan-Uıǵyr avtonomııaly aýdany Úrimshi qalasyndaǵy ońtústik temirjol beketinde jarylys oryn alyp, úsh adam qaza boldy. Bul týraly ITAR-TASS habarlady.
Jarylys saldarynan 79 adam jaraqat alǵan, olardyń tórteýiniń jaǵdaıy aýyr kórinedi.
Oqıǵa 30 sáýir kúni Úrimshi qalasynyń eń iri temirjol beketinde oryn alǵan. Derekterge qaraǵanda, jarylǵysh zat beket pen avtobýs aıaldamasynyń ortasynda iske qosylǵan.
Qazirgi ýaqytta temirjol beketin qarýly polıseıler kúzetýde.
Jergilikti úkimet ókili Lo Fýıýn buqaralyq aqparat quraldaryna jaǵdaıdyń baqylaýǵa alynyp, jarylys sebepterin anyqtaý maqsatynda tergeý jumystary júrip jatqanyn málimdedi.
Sınszıan-Uıǵyr avtonomııaly aýdany Qytaıdaǵy keleńsiz oqıǵalarǵa toly, tynyshsyz óńirlerdiń biri sanalady. Bılik munda oryn alyp jatatyn teraktilerge jaýapkershilikti «Shyǵys Túrkistannyń ıslam qozǵalysy» múshelerine artýda. «Shyǵys Túrkistannyń ıslam qozǵalysy» Qytaı Halyq Respýblıkasynda terrorıstik uıym sanalady. Olar 2009 jyly Sınszıan-Uıǵyr avtonomııaly aýdanynda oryn alǵan tártipsizdikterdiń paıda bolýyna yqpal etken. Ol kezde 197 adam qaza bolyp, 1700-den astamy jaraqat alǵan bolatyn.
Aıdar О́risbaev.
Derekkóz: Itar-tass.com.
Foto: Rusbg.com.