Jambyl oblysynda ózenge batyp ketken 7 jastaǵy qyzdyń denesi tabyldy, dep habarlaıdy Egemen.kz.
Qaıǵyly oqıǵa 23 shildede saǵat 17:30 shamasynda Taraz qalasyna jaqyn mańdaǵy Jambyl aýdany Jasórken aýylynda bolǵan. Nemeresin ertken qart sol kúni ózenge shomylmaq bolǵanda sýǵa batyp ketken.
Sýǵa batyp ketken er adamnyń denesi shyǵarylǵan soń, qutqarýshylar men jergilikti turǵyndar Talas ózenine batyp ketken qyzdyń denesin bir táýlikten astam ýaqyt izdedi.
«Izdeý jumystary 24 shildede saǵat tańǵy 5:00-den bastaldy. Oǵan Jambyl oblystyq TJD 74 qyzmetkeri men 7 tehnıkasy jumyldyryldy. Sondaı-aq izdeý jumystaryna sýǵa batqan qyzdyń týystary men jaqyn mańdaǵy aýyl turǵyndary da astalysty. Qyzdy izdeý týraly áleýmettik jelige jazylǵan habarlamaǵa eriktiler de ún qosyp, kómektesti. Qyzdyń denesin sý aǵysy alyp ketken. Izdeý jumystaryna barlyǵy 200 adam qatysty», dep habarlady Jambyl oblystyq TJD baspasóz qyzmetiniń jetekshisi Sáýle Muńatbaeva.
Qyzdyń denesi 24 shildede saǵat 18:10-da tabyldy.