Sınoptıkter 26-28 shildege arnalǵan aýa raıy boljamyn jarııalady, dep habarlaıdy Egemen.kz.
«Respýblıka boıynsha turaqsyz aýa raıy saqtalady, jańbyr jaýady. 26 shildede batysta, 27-28 shildede eldiń soltústik-batysynda, soltústiginde naızaǵaı, daýyl, burshaq bolady», delingen «Qazgıdromet» habarlamasynda.
Kúndizgi ýaqytta respýblıkanyń batys óńirlerinde aýa temperatýrasynyń +25 +35°S-tan +30 +40°s-qa deıin kóterilýi kútilýde, al eldiń soltústik-batysynda, soltústiginde aýa temperatýrasynyń kúndiz +30 +35°S-tan +20 +30°s-qa deıin birtindep tómendeıdi.
Qazaqstannyń ortalyǵynda aýa temperatýrasy +30 +38°S-tan +27 +35°S-qa deıin tómendeıdi, eldiń shyǵys oblystarynda bolsa aýa temperatýrasy +22 +32°S-tan +27 +38°S-qa deıin kóteriledi.
Al Qazaqstannyń ońtústiginde, ońtústik-shyǵysynda óte qatty ystyq, +40 +45°S jalǵasady.