Jeksenbi kúni Los-Andjelestiń San-Pedro aýdanyndaǵy Pek saıabaǵynda atys bolyp, eki adam qaza tapty, taǵy bes adam jaralandy, dep habarlaıdy Egemen.kz CBS News arnasyna silteme jasap.
Qaza tapqandardyń biriniń jasy 23-te, ekinshisi 53-te. Taǵy bir adamnyń jaǵdaıy aýyr. Oqıǵa jergilikti ýaqyt boıynsha 16:00-de 500-ge jýyq adam jınalǵan avtokólik kórmesi ótip jatqan saıabaqta bolǵan.
Polısııanyń málimetinshe, atys saıabaqtaǵy beısbol alańdarynyń janynda eki top adam arasyndaǵy janjal saldarynan týyndaǵan. Oq jaýdyrǵandar birneshe adam bolýy múmkin degen boljam bar. Oqıǵa ornynan birneshe qarý tabyldy.
Ustalǵandar joq, tergeý jalǵasýda.