Turaqtylyqtyń tuǵyry – tatýlyq

Almaty Qazaqstan halqynyń birligi kúnin Almaty qalasy úlken sán-salt­anat­pen atap ótti. Aýa raıynyń kók­temgi jylylyǵy men jaılylyǵy mere­ke­shil halyqtyń kóńil-kúıine, qala alań­daryn­daǵy saltanatty sharalardyń joǵary deńgeıde atap ótilýine zor yqpal etti. Qala tórindegi Respýblıka saraıynyń aldynda merekelik konsert qoıylyp, onda qazaq estradasynyń juldyzdary men túrli etnomádenı birlestikterdiń shyǵarmashyl toptary óner kórsetti. Ortalyqtaǵy Abaı alańynda etnoqalashyq uıymdastyrylyp, qazaqtyń sap túzegen kıiz úıleri elimizdi meken etken túrli ult ókilderiniń dastarqanymen kelýshilerdi kútti. Ár ulttyq toptardyń alańqaılarynda tarıhı, mádenı jetistikter men óner týyndylary kórmege qoıyldy. Ulttyq ashanalar qala qonaqtary men turǵyndaryna tegin qyzmet kórsetip, ulttyq dámin taratty. Qala boıynsha etnomádenı bir­les­tikterdiń eń kóp shoǵyrlanǵan Almaly aýdany ákimdiginiń uıymdastyrýymen «Bir shańyraq astynda birligimiz jarasqan» atty jastar festıvali, sporttyq oıyndar, kóńildi kesh pen mádenı sharalar ótti. Qala ıppodromynda at jarys, qyz qýý, teńge ilý sekildi ulttyq oıyndar men jeńildetilgen baǵa boıynsha saýda júrgizgen jármeńke bolyp, qazaqtyń turmys-salt mádenıetine arnalǵan kórme uıymdastyryldy. Keshkisin qalanyń ortalyq alańynda qazaq estradasy juldyzdarynyń qatysýymen merekelik konsert pen jastardyń bı keshi boldy. Qanat ESKENDIR, «Egemen Qazaqstan». Aqtaý «Dostyq teńizi» dep atalatyn Kaspıı jaǵalaýynda, áý basta irgetasyn san ulttyń ókilderi qalaǵan Aqtaýdyń búgingi turǵyndary Qazaqstan halqynyń birligi kúni merekesin toılady. Birneshe kún boıyna túrli mádenı sharalar, baıqaýlar bolyp jalǵasqan shara 1 mamyr kúni baıkerler jol bastap, túrli ult ókilderi top bastaǵan sherýmen arna tartty. Dostyq týyn kóterip, birlik uranyn bıik ustaǵan sherýshilerdi aımaq basshysy A.Aıdarbaev quttyqtap, kóp ultty Qazaqstandaǵy tatýlyqtyń búgingi beınesi turaqty saqtalyp, san ulttan quralǵan otandastardyń elimizdiń damýyna óz úlesterin qosa berýine tilektestigin bildirdi. «Yntymaq – dostyq kepili» uranymen ótken sherý teńiz jaǵalaýyndaǵy alańda «Yntymaǵy jarasqan kıeli ólke» atty mańǵystaýlyq ónerpazdardyń konsertine ulasty. Jyly aýa raıynda teńiz jaǵasynan tabylýǵa onsyz da asyq turǵyndar alańǵa kóp jıyldy. Etnomádenı birlestikter jasaqtaǵan ulttyq qolóner buıymdarynyń kórmesi tamashalanyp, toǵyzqumalaq, asyq atý, qazaqsha kúres, gir tasyn kóterýden sporttyq jarystar, sondaı-aq, merekelik jármeńke uıymdastyryldy. Kúndiz kári-jasy aralas toı toılaǵan alańda jastardyń bı keshi ótti. Gúlaıym ShYNTEMIRQYZY, «Egemen Qazaqstan». Aqtóbe Mamyrdyń mamyrajaı shýaǵynan dámeli aqtóbelikterdi tań aldynda bylǵary búrkip bastalǵan jańbyr da abyrjyta almady. Qaıta jasyl jelekter jasaryp shyǵa keldi dese de bolǵandaı. Kósheden kóktemniń ıisi ańqıdy. 1 Mamyr – Qazaqstan halqynyń birligi kúni merekesine oraı «Ult dostyǵy – basty qazynamyz» atty mádenı-kópshilik sharalary ótetin Qazaqstan Respýblıkasynyń Tuńǵysh Prezıdenti N.Nazarbaev atyndaǵy ortalyq mádenı jáne demalys saıabaǵy ádettegiden góri ózgeshe túrge engeni kórinip turdy. Qyzyldy-jasyldy jalaýshalar kómkergen saıabaqtyń sáni men saltanaty arta túsken. Sebezgilep jaýyn jaýyp turǵanymen, saıabaqqa aǵylǵan jurttyń aldy erterek jınalyp qalypty. Osynda jınalǵan jurttyń júzinen merekelik kóńil-kúı ańǵarylady. Jaǵalaı qoıylǵan sórelerde qoldanbaly óner týyndylarynyń kórmesi qanatyn jaıǵan. Dúńgirshekterde saýda-sattyq qyzǵan. Kelýshiler ulttyq taǵamdar kórmesinen dám tatýda. Saıabaqtyń ortasynda ornalasqan sahnadan etnomádenı birlestikter sazdy áýen tógiltip, kúıdi kúmbirletýde. Oblys ákimi Arhımed Muhambetov sahna tórine kóterilip, aqtóbelikterdi merekemen quttyqtady. Osyndaı birligi myqty, tatýlyǵy tuǵyrly, baqýatty elde turyp jatqanymyzdy Elbasy N.Nazarbaevtyń sarabdal saıasatymen baılanystyrdy. Odan keıin óńir basshysy 19 etnomádenı birlestikke aqshalaı granttar men alǵys hattar tapsyrdy. El táýelsizdigin nyǵaıtýǵa, mádenıetaralyq kelisimdi damytýǵa jáne jas urpaqty qazaqstandyq patrıotızmge tárbıeleýge qosqan úlesi úshin bir top etnomádenı birlestik músheleri Qazaqstan halqy Assambleıasynyń qoǵamdyq «Birlik» altyn medalimen, Qurmet gramotasymen jáne alǵys hattarymen marapattaldy. Satybaldy SÁÝIRBAI, «Egemen Qazaqstan». Atyraý Atyraý jurtshylyǵy da, qonaqtary da bul merekeni taǵatsyzdana tosady. О́ıtkeni, kóp ultty Qazaqstan jurtshylyǵyn bir múdde men bir maqsatqa, bir bolashaqqa biriktirgen bul kúni birliktiń tini burynǵydan da bekı túsedi. Sonyń aıqyn dálelindeı, atyraýlyq etnomádenı birlestikter músheleri Isataı-Mahambet alańyna jınalǵan jurtshylyq aldynda sap túzep ótti. Sherýge óńir ekonomıkasynyń ár salasyn órkendetýge aıshyqty úles qosyp júrgen iri kásiporyndar da qatysty. Bul kúni el erkindigin ańsaǵan qos batyr eskertkishi ornalasqan alańda ár ulttyń tilinde ánder áýelep, bıleri bılendi. Qazaqtyń qasıetti qara dombyrasynan áýezdi kúı kúmbirledi. El birligi kúniniń halyqtyq merekege aınalǵanyna sheteldikter qyzyǵa qaraıdy. Máselen, Atyraýda jumys isteıtin Ulybrıtanııa azamaty Mark Sheperd, AQSh azamaty Rokkı Brennen Qazaqstanǵa kelgenge deıin álemniń biraz elinde eńbek etipti. «Álemniń ózge elderinen Qazaqstandaǵydaı ulttar arasyndaǵy tatýlyq pen dostyqty, aýyzbirlikti kórgen joqpyn. Álemniń kóptegen elderinde ár ult óziniń salt-dástúrin saqtap qalmaq túgili ana tilderin umytyp jatyr. Osy rette Qazaqstandaǵy ultaralyq tatýlyqty álem elderine ónege retinde kórsetýge ábden bolady. О́ıtkeni, bizdi qazaqstandyqtardyń merekelerdi naǵyz halyqtyq úlgide atap ótetindigi qyzyqtyrady. Merekelik sharalardan halyqtyq salt-dástúr men túrli óner týyndylaryn tamashalap júrmiz», deıdi qos shetelik azamat bir-birimen talasa pikirin bildirip. Atyraý jurtshylyǵyna usynylǵan «Máńgi Eldiń máńgilik nyshany» atty teatrlandyrylǵan kóriniste tili basqa tilegi bir, júzi basqa júregi bir san ult pen ulystyń ortaq shańyraǵy – Qazaqstanǵa degen izgi tilegi men qurmeti pash etildi. Dál osy kúni «Aqjaıyq – óner mekenim» atty týra bir aıǵa sozylatyn óner festıvali bastaý aldy. Festıvalde alǵashqylardyń qatarynda etnomádenı birlestik ókilderi óner kórsetti. Joldasbek ShО́PEǴUL, «Egemen Qazaqstan». Kókshetaý Jasampaz halqymyzdyń jarqyn merekeleri ádettegideı Táýelsizdik jáne Abylaı han alańdarynan bastaý aldy. Bıylǵy Qazaqstan halqynyń birligi kúni meıramy «Maqsat birligi – rýh birligi» dostyq festıvaliniń kók týyn kóterýimen este qaldy. Ásirese, onyń shymyldyǵy 300 jasóspirim qatysqan «Álem – balalar kózimen» asfalt ústindegi sýret kórmesimen ashylýy jurtshylyqty aıryqsha tolǵanysqa bóledi. Munda qııal jetegindegi, áıtse de bir kúni mindetti túrde boı kóteretin bolashaǵymyz júrekterge nur quıyp turǵandaı edi. Toıshy qaýym qos alańdy jalǵastyryp turǵan «Dostyq Arbatyn» boılaı júrip, 45 ult pen ulystyń kúshimen ornaı qalǵan etnoaýyldyń dýmandy ordasyna aralasyp ketti. Mundaǵy qyzyqty sharalardy, kórmeler men baı dastarqan mázirin tizbelep sýretteýdiń ózi ońaıǵa túspeıtindeı. Qazaq aýylynda búrkit ushyp, asyq shıyrylyp jatsa, orys, tatar, ýkraın, cheshen, belorýs, ózbek baýyrlardyń qyzý bıine ózińiz de aralasyp ketkenińizdi baıqamaı qalasyz. Osyndaı aıtýly kúni qalyń kópshilik tatar jigiti Rústem Sultanov pen orys qyzy Iýlııa Sýslovanyń, ýkraın Aleksandr Týrok pen qazaq boıjetkeni Aıjan Darıpovanyń nekelesý rásimine qutty bolsyn aıtty. Oblys ákimi Qosman Aıtmuhametov pen Parlament Senatynyń depýtaty Jabal Erǵalıev aqmolalyqtardy birlik pen tatýlyq, dostyq merekesimen quttyqtady. Kópshilik dýmanyna, sheksiz repertýardaǵy konsertterge ulasqan jarqyn mereke Kókshetaý qalasynyń barlyq shaǵyn aýdandarynda, aýdandar men shalǵaı aýyldarda jalǵasyn tapty. Baqbergen AMALBEK, «Egemen Qazaqstan». Sýretti túsirgen  Tólegen Qosshyǵulov. Qaraǵandy Jalpyhalyqtyq mereke turǵysynda mereıi bıik, qadiri qasterli tatýlyq yntymaqtyń shýaǵyn sebýshi kúndi san ult uıysqan qaraǵandylyqtar qashanǵydaı úlken qýanyshpen qarsy alyp, sán-saltanatqa bólendi.Táýelsizdik eskertkishi aldynda bas qosylyp, gúl shoǵy qoıylyp, mádenıet pen óner oshaqtaryna, saıabaqtarǵa aǵylǵan qalyń jurttyń bel ortasynda óńirdegi 74 etnomádenı birlestiktiń ókilderi jol bastap, meıramǵa arnaǵan óz shashýlaryn shashty. Moldavandardyń dóńgelengen, cheshenderdiń jelpinisti bıi, ázerbaıjandardyń áýezdi, koreılerdiń syńǵyrlaǵan áni, tatarlardyń syrnaıy, orystardyń balalaıkasy, ózbekterdiń dýtary, qazaqtardyń dombyrasy, ýkraındardyń bandýrasy shahardy neshe túrli áýende jańǵyrtty. «Biz – bir el, bir halyq», «Qoǵam kúshi – birlikte», «Biz – Qazaqstan halqy» degen daýystar birlikti bildirip, barshanyń ortaq júrek únin jetkizdi. Elbasynyń «Bizdiń baılyǵymyz – ár ulttan bolǵandyǵymyz bolsa, kúshimiz – birligimizde» dep aıtqan sózine búgindegi shat-shadyman ómirimiz kýá. Tutastyq pen tatýlyqty elimiz kemel keleshegi tiregine jarastyrǵan mereıli maqsatqa alǵysymyz sheksiz, dedi Qazaqstan halqy Assambleıasynyń «Birlik» altyn medalimen marapattalǵan «Vaınah cheshen-ıngýsh» etnomádenı birlestiginiń tóraǵasy Ývaıs Djanaevpen oblystyq máslıhattaǵy Qazaqstan halqy Assambleıasy depýtattyq tobynyń jetekshisi Raýshan Dosmaǵambetova. Budan bólek, oblys ákimi Baýyrjan Ábdishev óńirdegi 27 etnomádenı birlestikke yntymaq pen azamattyq beıbitshilikti nyǵaıtýdaǵy belsendi qyzmeti úshin árqaısyna 700 myń teńgeden syılyq tabys etti. Aımaqtyń barlyq óńirlerinde jurt qýanyshyn ósirgen merekede bir Otannyń shuǵylaly aıasyna uıysqan ulttar bir-birine degen dostyqty, baýyrmaldyqty pash etti. Barsha qazaqstandyqtardy ortaq maqsatqa jumǵan judyryqtaı biriktiretin qasıetti kún zor kóńil-kúı órleýinde atap ótildi. Aıqyn NESIPBAI, «Egemen Qazaqstan». Qostanaı Qostanaıdy mekendegen túrli ulttyń túrlengen mol dastarqany da, áni men bıi de osynda. Baq-bereke, táńirdiń jaqsylyǵynyń bári yntymaǵy, birligi jarasqan eldiń sońynan erip júretinin mereke kúngi kórinis pash etkendeı boldy. Oblys ákimi Nuraly Sádýaqasov qostanaılyqtar men qala qonaqtaryn Qazaqstan halqynyń birligi kúni merekesimen quttyqtady. «Qazaqtyń keń jeri túrli ult ókilderiniń qut mekenine aınalyp otyr. Barlyq qostanaılyqtardyń otbasyna amandyq, bereke tileımin. Dostyǵymyz arta bersin!», dedi Nuraly Mustafauly. Ortalyq alańda etnomádenı birlestikter ókilderi ár ulttyń dástúrin, saltyn beıneleıtin kórmeler kórsetti. Ulttyq kıimder men turmystyq zattarda halyqtyń ǵasyrlar tereńine jeteleıtin tarıhy, taǵdyry kórinis tapqandaı. Kórkemdigimen qatar, osyndaı pálsapasymen de ár «úı» merekege jınalǵan jurtty ózine shaqyrady. Belorýstar «úıiniń» mańdaıshasyna óz tilinde «Vıaselaıa hata» dep jazyp qoıypty. Ishinde keste men aǵash qabyǵynan órip jasaǵan sebetter men ydystardyń, aıaq kıimderdiń túr-túri kózdiń jaýyn alady. Koreılerdiń jelpýishi, orystardyń kestesi men aǵashtan jasalǵan qýyrshaqtary, qyrǵyzdardyń aıyr qalpaǵy, ózbekter men tájikterdiń taqııasy, tatarlardyń syrnaıy ózin aıtpaı tanytady. Qala ortalyǵyndaǵy mereke urpaqtar sabaqtastyǵyn, Qazaqstan halqynyń tarıhyn da beıneledi. «Alǵashqy shatyrlaryn tikken tyń ıgerýshiler», «Kıev» keńsharynyń jumysshylary», «Tyń ıgerýshilerge kelgen konsert», «Qazaq kınolarynyń keıipkerleri» sekildi taqyryptardy kórsetken ujymdar qostanaılyqtarǵa merekelik kóńil-kúı syılady. Názıra JÁRIMBETOVA, «Egemen Qazaqstan». Qyzylorda Birlik pen berekeniń, shattyq pen merekeniń, yrys pen yntymaqtyń meıramyn qyzylordalyq jurtshylyq zor yqylaspen qarsy aldy. Án men bı, sán men saltanat, salt pen dástúr qatar órilip, halyq dostyǵynyń kórinisi aıqyn kórindi. Shat-shadyman júzderge qarap júrek jylydy. Bir-birin qyzý quttyqtap jatqan ult pen ulystyń ókilderin kórip kóz qýandy. Qazaqstan halqynyń birligi kúninde aqmeshittik aǵaıyn ortalyq alańǵa jınaldy. Aımaqta ómir súrip jatqan barlyq etnos ókilderi ózderiniń ulttyq bılerin bıledi. Ánderin aıtty. Sondaı-aq, etnomádenı birlestikterdiń mádenıeti men ónerinen, keshegisi men búgingi tarıhynan syr shertetin kórme uıymdastyrdy. Jurtshylyqtyń kóz qýanyshyna aınalǵan kórmeni oblys ákimi Qyrymbek Kósherbaev tamashalady. – Bizdiń halqymyzdy ult retinde saqtap qalǵan yntymaq pen birlik, dostyq pen tatýlyq. Qazaqstan – bekem birligi, tatý tirligi, yrysty yntymaǵy jarasqan el. Aýyzbirligimiz myqty bolǵanda ǵana Qazaq eliniń túpki muraty – Qýatty elge qol jetkize alamyz. Beıbitshilik, turaqtylyq, azamattyq kelisim ornaǵan Qazaqstan, jasasyn! Qýatty el bolý jolyndaǵy Qazaqstannyń Táýelsizdigi tuǵyrly, ǵumyry máńgi bolsyn,– dedi Qyrymbek Eleýuly. Sonymen qatar, osy kúni «Qyzylorda – dostyq mekeni» atty avto, velo sherýler ótti. Olarǵa sportshylar ǵana emes, barsha jurt qatysty. Al saltanatty sharanyń sońy merekelik konsertke ulasty. Oǵan Roza Rymbaeva bastaǵan elimizdiń óner juldyzdary qatysty. Erjan BAITILES, «Egemen Qazaqstan». Oral Bereke-birliktiń, tatý tirliktiń myzǵymas nyshanyna aınalǵan mereke Oralǵa kópten kútilgen jylylyqty da ózimen birge ala kelgendeı boldy. Buǵan deıin toń-teris, tomyryq minez tanytyp kelgen Tabıǵat-ana bul kúni kógildir kóktemge kezek berdi. Sodan da bolar, tatýlyq merekesin toılaýǵa jıylǵan qaýymnyń qarasy bıylǵy jyldaǵydan kóp. Áýeli teatrlandyrylǵan kórinis qoıylyp, sodan keıin qaladaǵy eńbek ujymdarynyń, oqý oryndarynyń, etnomádenı birlestikterdiń ókilderi, barlyǵy 26 myń adam Dostyq dańǵyly boıymen sherýletip ótti. Aıta ketý kerek, byltyr sherýge shyqqandardyń sany 20 myńnan aspaǵan bolatyn. Qoldaryna bereke-birlikke úndeıtin uran, elimizdiń kók baıraǵyn ustaǵan sherýshilerdi qala turǵyndary men qonaqtary da jyly shyraımen qarsy alyp, qýattap turdy. Sondaı-aq, bul kúni jyldaǵy qalyptasqan dástúrmen Ortalyq mádenıet jáne demalys saıabaǵynda Jaıyq óńirindegi etnomádenı birlestikterdiń konserttik ujymdary óz ónerlerin pash etti. «Birlik merekesimen shaharymyzǵa kópten kútken jylylyq ta kelip jetti. Osyǵan baılanysty 1 Mamyrdan bastap qaladaǵy on bir sýburqaqtyń toǵyzyn iske qostyq. Qalǵan ekeýi azdaǵan jóndeý jumystarynan keıin aıdyń aıaǵynda iske qosylady. Jalpy, qalany abattandyrý isine basa nazar aýdarýdamyz», dedi bizge bergen qysqasha suhbatynda qalalyq «Jaıyq jaryǵy» kásipornynyń dırektory Nur Tóleýǵalıev. Temir QUSAIYN, «Egemen Qazaqstan». О́skemen Qyzyldy-jasyldy shar, kókpeńbek, appaq matalarǵa jazylǵan naqyl sózder, alqyzyl shoq gúlder men kók baıraǵymyzdyń úlkendi-kishili úlgilerin ustaǵan óskemendikter tań araıymen qala kóshelerin jaınatyp jiberdi. Búkil qalany birlik pen bereke besigine bólep turǵan Qazaqstan halqynyń birligi kúnine arnalǵan saltanatty merekelik sherý bolatyn. Shyǵysqazaqstandyqtar bıyl birlik merekesin erekshe atap ótti. 105 etnos ókilderi turatyn óńirdiń yntymaǵy men tatýlyǵy bekem ekenin aıshyqtaı túsken merekede «Men – Qazaqstan patrıotymyn!» atty merekelik sherý ótti. Sherýge qatysýshylar sanynyń kóptigi sonshalyq, olardyń aldy Respýblıka alańyna jetken sátte, sońy Jeńis dańǵylynda endi qozǵalyp jatty. Merekelik sherýge Qazaqstan halqy Assambleıasy men Dostyq úıiniń músheleri, qaladaǵy mektep oqýshylary belsene atsalysty. Ásirese, №3, 10, 11, 12, 44 mektep-gımnazııalary jáne orta mektepterdiń muǵalimderi men oqýshylary oqýda ǵana ozat emes, qoǵamdyq ómirge de belsene qatysyp keledi. Jasóspirim sherýshiler sapyn «Nazarbaev zııatkerlik» mektebi, «Úmit» balalar úıi jáne sport mektepteriniń oqýshylary da tolyqtyra tústi. Sonymen birge, densaýlyq saqtaý salasynyń qyzmetkerleri, memlekettik organdar men qurylymdar, óńirdegi beldi kásiporyndardyń ujymdary da atalǵan sherýge qatysty. Saltanatty sherý sońy etnomádenı birlestikterdiń shyǵarmashylyq ujymdary daıarlaǵan merekelik konsertke ulasty. Dýman ANASh, «Egemen Qazaqstan». Pavlodar Jalpy, oblystyń aýyl, qala­larynda 24 sáýirden bastalǵan konsertter, kórmeler, festıvaldar, ádebı keshter, kezdesýlerdiń taqyryptary túgeldeı osy búgingi kúni oblys ortalyǵynda ótken «Bir el, bir bolashaq, bir múdde!» merekelik baǵdarlamasymen jalǵasty. Oblys ortalyǵynda ortalyq alań qyzyldy-jasyldy túske oranyp, kóktemmen birge qulpyryp tur. Aýa raıy da jylynyp, kókten kún shýaq shashty. Mereıli mereke meıirimi el birliginiń, tatýlyǵynyń jarqyn kórinisin asqaqtatqandaı. Ortalyq alańǵa qaraı asyǵa, qýana aǵylǵan halyqtyń dostyq, birlik merekesine degen qalyptasqan shynaıy patrıottyq kózqarastaryn baıqaısyz. Qoldarynda gúlder, sharlar kótergen bala-shaǵasyn, otbasyn ertken qala halqy ashyq-jarqyn qýanyshta. Mereke qarsańynda oblystaǵy etnomádenı birlestikterde eldik, birlik baǵytyndaǵy atqarǵan qyzmetteri úshin arnaıy granttar berildi. Endi, mine, túrli etnomádenı birlestikter «Yntymaq dastarqany» dep atalatyn ulttyq taǵamdar festıvalin jasap, alańǵa jınalǵan jurtshylyqty qazaqy dástúr boıynsha dám aýyz tııýge shaqyrdy. – Biz ómirimizge tynyshtyq syılaǵan qazaq halqyna rızamyz. Qıyn kezde bárimizdi baýyryna bas­ty. Birlikke jeter eshteńe joq. Kóp birikse, kókke de qol jeter degen osy! – deıdi cheshen-ıngýsh etnomádenı birlestiginiń tóraıymy Marııam Baıramqulova. Mereke sońy keshkilik Ertis ózeni jaǵalaýynda «Dostyq ánderi» oıyn-saýyq dýmanyna jalǵasty. Farıda BYQAI, «Egemen Qazaqstan». Sýretti túsirgen Valerıı BÝGAEV. Petropavl Júzderi jadyrańqy, ásem kıingen, qoldaryna qyzyldy-jasyldy shar ustaǵan balalary men nemerelerin jetelegen qala turǵyndary ortalyq alańǵa jınala bastady. Basty mereke ótetin jer de erekshe bezendirilgen. Bir kezde ekpindi áýen oınap qoıa berip edi, «Esil» meıramhanasy aldynda qaz-qatar turǵan kolonna alǵa qaraı jyljı jóneldi. Keremet kórinis! Árqaısysy «Máńgilik El», «Jasyl el», «Etno-mádenı birlestikter», «Qazaqstan halqy Assambleıasy» sekildi sımvolıkalyq ataýlardy ıelenip, beıbit ómir tynyshtyǵyn, birlik-dostyqty, baqytty da jazıraly shaqty aıshyqtaǵan kúıi kóshe boılap júrip ketti. Olardyń sońynan kópshilik qaýym ilesti. Qyzyljar óńirinde Qazaqstan halqynyń birligi kúnine arnalǵan «Qazaqstan–dostyqtyń bereke tuǵyry» atty ádebı-mýzykalyq kompozısııa, merekelik kompozısııa osyndaı asqaq leppen, shattyqty kóńilmen bastaldy. Saltanatty sharany oblys ákimi Samat Eskendirov ashyp, petropavldyqtarǵa jaqsy turmys, ekpindi eńbek tiledi. Qalanyń ár jerinde oryn tepken alańqaılarda qulaq quryshyn qandyratyn ásem án, kúmbirlegen kúı oryndalyp, shýaqty meıramnyń jalǵasyp jatqanyn pash etti. Demalys jáne mádenıet saıabaǵynda «Ardıs» jas­tar ortalyǵy oıyn-saýyq merekesin uıymdastyrsa, búldirshinder asfaltqa ártúrli sýretter salyp, bir jaǵynan, aýyl sharýashylyǵy jármeńkesine jınalýshylar da kóp boldy. «Dostyq dastarqany» sharasy aıasynda oblysta turatyn túrli etnostardyń ulttyq taǵamdary usynylyp, salt-dástúrleri kórsetildi. Barlyq shara mazmundylyǵymen, qyzyqtylyǵymen este qaldy. О́mir ESQALI, «Egemen Qazaqstan». Talǵat Tánibaev. Taraz Qazaqstan halqynyń birligi kúni merekesi elimiz táýelsizdik alǵan jyldardan beri jańasha sıpatqa ıe boldy. О́ıtkeni, birlik pen yntymaq, dostyq pen týysqandyq búginde kópultty Qazaqstannyń qarqyndy damýynyń kepili. Birlik pen yntymaqtyń almaıtyn qamaly, shyqpaıtyn shyńy, aspaıtyn asýy joq. Aıtýly merekeni jambyldyqtar kóterińki kóńil-kúıde atap ótip, Taraz qalasynyń «Dostyq» alańynda ótken merekelik sherýdiń sońy ulttyq jáne sporttyq oıyndar, óner maıtalmandarynyń konserti men kópshilik serýenge ulasty. Ulttar arasyndaǵy beıbit te berekeli ómir óńirdiń demografııalyq ahýaldyń jaqsarýyna da oń yqpalyn tıgizip otyr. Mereıli mereke kúni Jambyl oblysynda 75 sábı dúnıe esigin ashty. Onyń ishinde 5 otbasy egiz bala súıip, qýanyshqa keneldi. Tarıhy tereń Áýlıeata jerin búginde 80-nen astam ult pen ulys ortaq Otanym dep biledi. Jambyl oblysynyń ákimi Kárim Kókirekbaev Áýlıeata jurtyn bereke bastaýy bolǵan birlik merekesimen quttyqtap, ulttar dostyǵynyń nyǵaıa berýin tiledi. Ásirese, túrli ult ókilderiniń juptasa bılep, túrli-tústi lentalarmen «Dostyq shańyraǵyn» kesteleýi qazaq dalasyndaǵy yntymaqty pash etkendeı. О́ner árbir ultty bir-birine jaqyndastyratyn, teńestiretin qudyretti kúsh qoı. Sondyqtan da merekede túrli tilde aıtylǵan ándi de, túrli ulttar bılegen bıdi de eshkim jatyrqaǵan joq. Qaıta kóptiń kóńili dostyqtyń arnasynda toǵysty. Mereke keshkilik óner juldyzdarynyń konsertine ulasyp, jas­tar ózara bı jarystyrdy. Oralhan DÁÝIT, «Egemen Qazaqstan». Taldyqorǵan Qazaqstan halqynyń birligi kúni elimizde qalyptasqan dástúr jalǵasyp, Jetisý jerinde de jalpyhalyqtyq merekege aınaldy. Yntymaǵy jarasqan jámıǵattyń qýanyshyn Tabıǵat-ana da qup kórip, altyn kún nurly shýaǵyn barynsha tógip turdy. Aýada lúp etken jel joq. El razy. Kóńilderi hosh. Taldyqorǵandaǵy ortalyq alańda Almaty oblysynda turatyn 101 etnos ókilderinen quralǵan ónerpazdar óneriniń tamashalyǵy sol – ortalyq alańnyń bir búıirinen bastap, sport oıyndary dýmandatsa, foto álemi, sýretke túsirý rásimi, «Jetisý – dostyq mekeni» atty kórkemsýret mektebi oqýshylarynyń kórmesi, «Qazaqstan – dostyqtyń altyn besigi» aıasynda yqshamdala tigilip, ulttyq qundylyqtarymen syqasqan ári as mázirleri toltyrylǵan dastarqandaryn jaıǵan etnomádenı birlestikter úıleri, «Máńgiliktiń irgesi – dostyq pen birlik» atty merekelik kórinister retimen tizile ózindik ádemi bir úılesim tapty. Taǵy bir aıta keter jaıt – ár etnos ókilderiniń búldirshinderi ózderine ǵana jarasyp, árlendirip jiberetin ulttyq kıimderin malynta kıip shyǵyp, ásem ánderin áýeletip, ǵalamat bılerin bılegende tamashalap turǵan halyqtyń peıili men nıetinen Elbasynyń «Bul toı toılaıtyn emes, oı oılaıtyn mereke» degen ulaǵatyn oqyp, estidik. Álbette, bul qýanarlyq uǵym emes pe?! Saltanatty sharada Memlekettik Ánuran shyrqalyp, tyńdalǵan soń, Almaty oblysynyń ákimi Ańsar Musahanov dúıim jurttyń aldyna shyǵyp, quttyqtaý sóz sóıledi. Qazaqstan halqynyń birligi kúni merekelik konsertpen jalǵasty. Nurbol ÁLDIBAEV, «Egemen Qazaqstan». Shymkent Bıylǵy 1 Mamyrǵa Ońtústik óńiri aldyn ala aıryqsha daıyndaldy. Tekti tórińiz Túrkistanda «Yrys aldy ─ yn­tymaq» qoǵamdyq forýmy men OQO Qazaqstan halqy Assambleıasynyń bir­les­ken úlken jıyny «Turaqtylyq tuǵy­ry ─ tatýlyq» taqyrybynda ótti. Shym­kentte etnomádenı birlestikter jastar qanattarynyń «Meniń elim» atty dostyq festıvali, túrli baıqaýlar uıym­dastyryldy. Qazaqstan halqynyń birligi kúni oblys ortalyǵyndaǵy barlyq saıabaqtar men alańdarda konsertter, qoıylymdar, seıil-serýender tańerteńnen bastaldy. Ál-Farabı alańy erekshe kórkem kúı­ge engen. Etnomádenı birlestikterdiń taqyryptyq kórmesin jurtshylyq qyzyǵa tamashalady. Oblystyq teatr aldynda úsh bólikten turatyn «Máńgilik El» baǵany zoraıady. Alpys jigit shyǵyp óner kórsetti. Qýatty el maqsatynyń tarıhy baıan etilip, toǵyz birdeı «Altyn adam» arnaıy kompozısııa oryndady. Teatrlandyrylǵan tamasha kó­ri­nis­terde Qazaq eliniń búkil tarıhy beı­nelendi. Jibek joly da, Uly kósh te bar. Qazaq jerine qonys aýdarǵan túrli ult ókilderiniń taǵdyry da bar. Qazaqtardyń qonaqjaılyǵy, meıirbandyǵy da bar. Táýelsizdik taǵylymy tereń mazmunda jetkizildi. Qazaqstan halqy Assambleıasy – Elbasynyń kóregen ıdeıasy ekeni aıqyn kórinis tapty. Mine, Máńgilik baǵannyń basynda Máńgilik El sımvoly paıda boldy. «Qazaqstan-2050» Strategııasy, Qýatty el muraty pash etildi. Shańyraq kóterilip, ýyqtar tartyldy. Alań toly jurtshylyqty óńir basshysy Asqar Myrzahmetov, túrik etnomádenı bir­les­tiginiń tóraǵasy Latıfsha Asanov, M.Áýezov atyndaǵy OQMÝ stýdenti Dıa­na Mersıeva quttyqtady. Etnomádenı bir­lestikter tóraǵalaryna oblys ákiminiń granttary tapsyryldy. Merekelik konsert qoıylymy da erekshe qyzyqty, mán-mánisti boldy. Marhabat BAIǴUT, «Egemen Qazaqstan».