Eldegi zamanaýı aqparattyq tehnologııalardy damytý maqsatynda osydan 15 jyldaı buryn qurylǵan «Zerde» ulttyq ınfokommýnıkasııa holdıngi» AQ basynan sońǵy jyldary «bult arylǵan» joq. Búginge deıin esh jerde aty shyqpaı, eleýsiz jumys istep kelgen memlekettik kompanııa Respýblıkalyq bıýdjettiń atqarylýyn baqylaý jónindegi esep komıtetiniń tekserisinen keıin birden aqparat quraldarynyń nazaryna ilikti. Bul másele Prezıdentke deıin jetip, aqyr sońynda holdıng jabylatyny belgili boldy.
Úkimettiń keńeıtilgen otyrysynda Memleket basshysy Qasym-Jomart Toqaev «Zerde» holdınginiń jumysyna kúmán keltirip, máseleni jan-jaqty qarastyrýdy tapsyrǵan. Ile Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın «Zerde» holdıngin taratyp jiberý usynylatynyn habarlady. Al jaqynda mınıstrlik holdıngke baılanysty ózderiniń resmı ustanymyn jarııalady. Vedomstvonyń baspasóz qyzmetiniń habarlaýynsha, «Zerde» holdıngi obektıvti jáne sýbektıvti sebepterge baılanysty aqparattyq kommýnıkasııalyq tehnologııalar salasyn damytýdyń tolyqqandy ınstıtýty retinde qalyptasa almaǵan. «Búginde «Zerde» holdıngi derbes tabys ákelmeıdi jáne óz kezeginde «Elektrondy úkimettiń» aqparattyq-kommýnıkasııalyq ın- fraqurylymy operatorynyń fýnksııalaryn júzege asyrýǵa memleketten tapsyrystar alatyn «Ulttyq aqparattyq tehnologııalar» AQ-nyń dıvıdendteri esebinen qarjylandyrylady. Muny aýdıtorlyq esepter de rastaıdy», delingen habarlamada.
2021 jyldyń qorytyndysy boıynsha «Zerde» holdınginiń tabysy «Elektrondy úkimettiń» aqparattyq kommýnıkasııa ınfraqurylymy men aqparattandyrý obektilerin zertteý jumystary esebinen ulǵaıǵan. Osylaısha, jaqsy tabysqa qol jetkizgenimen kompanııa jyldyń sońynda qaıtadan shyǵynǵa ushyraǵan. Respýblıkalyq bıýdjettiń atqarylýyn baqylaý jónindegi esep komıtetiniń esebinshe holdıngtiń jınaqtalǵan shyǵyny 7 mlrd teńgeni quraǵan.
Qazirgi ýaqytta «Zerde» holdınginiń qurylymynda úsh enshiles uıym bar: Astana Hub tehnoparki, «Ulttyq aqparattyq tehnologııalar» jáne Qazinnovations aksıonerlik qoǵamdary. Holdıng taratylǵannan keıin bul enshiles uıymdar Sıfrlyq damý mınıstrligimen jáne memlekettik organdarmen tikeleı jumys isteıdi.
«Búginde bizdiń aldymyzda jańa strategııalyq mindetter men sıfrlandyrý qarqynyn jedeldetý máselesi tur. Sonymen qatar aqparattyq kommýnıkasııalyq tehnologııalar salasyn basqarýdyń sapaly jańa tetigin qurýymyz qajet. Bul rette aldaǵy transformasııa korporatıvtik basqarýdyń holdıngtik qurylymyn taratýǵa qatysty ekenin atap ótemiz jáne bul ózgerister «Zerde» holdınginiń óndiristik personalyna áser etpeıdi», deıdi mınıstrlik ókilderi.
Atalǵan memlekettik organ «Zerdeniń» qolynda bolǵan «servıstik ıntegrator» fýnksııalaryn «Sıfrly úkimetti qoldaý ortalyǵy» RMK-ǵa berý týraly sheshim qabyldaǵan. Onyń negizgi mindetteri – memlekettik basqarýdy sıfrly transformasııalaý prosesterin ádistemelik jáne uıymdastyrýshylyq súıemeldeý jáne barlyq ulttyq joba men baǵdarlamalyq qujattyń iske asyrylýyna monıtorıng jasaý. Sol sebepti Memleket basshysynyń tikeleı tapsyrmasy boıynsha Sıfrly úkimetti qoldaý ortalyǵy memlekettik organdar úshin jetekshi taldaý ortalyǵy retinde qurylyp otyr jáne osy ortalyqtyń quramynda Sıfrly transformasııa ortalyǵy da jumys istemek. Holdıngtiń burynǵy qyzmetkerleri de Sıfrly úkimetti qoldaý ortalyǵyna jumysqa aýysady jáne ózderine tıesili barlyq tólemdi tolyq kólemde alady dep ýáde beredi mınıstrlik. «Búgingi tańda kadrlyq áleýetti saqtaı otyryp, memlekettik IT-sektoryn basqarýdy reformalaý – bizdiń negizgi basymdyǵymyz. Bul mınıstrliktiń, «Zerde» holdınginiń jáne ondaǵy enshiles uıymdardyń ortaq mindeti. Mınıstrlik qyzmetkerlerdiń eń joǵary áleýmettik qorǵalýyn qamtamasyz etý qajettigin jáne keıinnen olardyń mamandyǵy men biliktiligine sáıkes jumysqa ornalasýyn eskere otyryp, olardyń múddelerin negizge alatyn bolady. Holdıngti taratý kezinde qyzmetkerler ózderiniń aldaǵy eńbek qyzmetiniń perspektıvalaryna qatysty durys sheshim qabyldaýy úshin búkil prosess ashyq jáne aıqyn ótedi», delingen baspasóz habarlamasynda.
20 shilde kúni Sıfrlyq damý, ınnovasııalar jáne aeroǵarysh ónerkásibi mınıstri B.Mýsın holdıng ujymymen arnaıy kezdesip qaıtty. Bul júzdesýde aldaǵy josparlar talqylanyp, holdıngti taratý prosesi jan-jaqty aıtylǵan. «Taratylyp jatqan holdıng qyzmetkerleriniń basym kópshiligi jańa jobalarmen birlesip jumys isteýdi jalǵastyratynyn jáne sıfrly vedomstvo júıesinde qalady dep úmittenemiz», deıdi mınıstrlik mamandary.