О́zbekstan astanasy – Tashkentte ótip jatqan aýyr atletıkadan jastar men jasóspirimder arasyndaǵy Azııa chempıonatynda el qorjynyna kezekti altyn tústi.
17 jasqa deıingi erler arasyndaǵy 102 kıloda synǵa túsken qazaqstandyq Nıkıta Abdrahmanov qossaıysta 354 kılo (158+196) ziltemirdi kóterip, Azııa chempıony atandy. Sondaı-aq ol julqa jáne serpe kóterý saıysynda da aldyna jan salmady. Al dál osy jas sanatyndaǵy qyzdar básekesinde 64 kılo salmaqta óner kórsetken Nadejda Lı kúmispen kúpteldi. Onyń nátıjesi – 184 (100+84) kılo.
Sonymen qatar 17 jasqa deıingiler arasynda 102 kılo salmaqta baq synaǵan Joltaı Sanjar Azııa birinshiliginiń qola júldegeri atandy. Ol eki jattyǵýda 306 (136+170) kılo ziltemirdi eńserdi.