Astanada trıatlonnan U19 jáne U23 jas sanattarynda Azııa chempıonaty uıymdastyryldy. Básekege Sary qurlyqtaǵy 13 eldiń 100-den astam sportshysy qatysty. Bul synda el namysyn 15 sportshy qorǵap, onyń ekeýi júldegerler qatarynan kórindi.
Atap aıtar bolsaq, 23 jasqa deıingi erler arasynda óner kórsetken Daryn Qonysbaev Gonkong ókili Oskar Koggınske ese jiberip, márege ekinshi keldi. Onyń ýaqyt kórsetkishi – 1 saǵat 51 mınýt 14 sekýnd. Úzdik úshtikti qytaılyq Chen Sın túıindedi.
Al 19 jasqa deıingi erler arasynda japonııalyq Amý Omýro men Takýto Osıma juby qazaqstandyq Egor Krýpıakovty sońǵy aınalymda basyp ozdy. Nátıjesinde, otandasymyz úshinshi orynda qalyp qoıdy. Áıelder arasynda da Japonııa quramasynyń ókilderi eshkimge des bermedi. Nátıjesinde, Mako Hırazýmı top jarsa, oǵan baryn salyp kómektesken Manamı Hııashı kúmiske, Gonkong sportshysy Sharlotta Holl qolaǵa qol jetkizdi.