Prezıdent Qasym-Jomart Toqaev Kıprmen qylmyskerlerdi ekstradısııalaý týraly kelisim jobasyn maquldady. Qujat Normatıvtik quqyqtyq aktilerdiń saıtynda jarııalandy, dep habarlaıdy Egemen.kz.
«Qazaqstan Respýblıkasy men Kıpr Respýblıkasy arasyndaǵy ustap berý týraly sharttyń jobasy maquldansyn», delingen Prezıdent qaýlysynda.
Osy qaýly qol qoıylǵan kúnnen bastap kúshine enedi.
«Árbir Ýaǵdalasýshy memleket ekinshi Ýaǵdalasýshy memlekettiń suraý salýy boıynsha ustap berýge ákep soǵatyn qylmystar úshin qylmystyq qýdalaýdy júzege asyrý nemese zańdy kúshine engen sot úkimin oryndaý maqsatynda suraý salýshy Ýaǵdalasýshy memlekettiń quzyretti organdary izdestirip jatqan onyń aýmaǵyndaǵy kez kelgen adamdy osy sharttyń jáne óziniń zańnamasynyń talaptaryna sáıkes ustap berýge mindettenedi», delingen kelisim babynda.