Qazgıdromet málimetinshe, 28-30 shilde aralyǵyna Qazaqstannyń soltústik bóligindegi meteorologııalyq jaǵdaı nasharlaı bastaǵan, dep habarlaıdy Egemen.kz.
Munyń sebebi - respýblıkanyń aýmaǵyn ystyq ońtústik pen salqyn soltústikke bólgen atmosferalyq fronttar. Birtindep jyljyǵan frontttar eldiń soltústik jartysynda, sodan keıin shyǵysynda, ońtústik-shyǵysynda naızaǵaıǵa, jeldiń kúsheıýine, keı jerlerde burshaqtyń jaýýyna ákelýi múmkin. Munyń bári soltústikte kúndizgi aýa temperatýrasynyń tómendeýine jáne eldiń ońtústik jartysynda ystyqtyń báseńdeýine yqpal etedi.
Kúndizgi ýaqytta Qazaqstannyń soltústik-batysynda, soltústiginde aýa temperatýrasy kúndiz +20 +30°S-tan +15 +25°S-qa deıin, eldiń ortalyǵynda +25 +33 °S-tan +18 +27°S-qa deıin, shyǵys oblystarda aptap ystyq +25 +35°S-tan +19+29°S -qa deıin tómendeıdi.
Qazaqstannyń ońtústiginde, ońtústik-shyǵysynda aýa temperatýrasy +30 +39°S-tan +25 +36°S-qa deıin saqtalady.