Dombyra patı — qazaqtyń ulttyq aspaptaryn, sonyń ishinde jalpyhalyqtyq saz quraly retinde dombyrany, ulttyq mýzykany, umytyla bastaǵan ıgi dástúrlerdi qaıtadan sánge aınaldyrý jáne jalpy qazaqshylyqty nasıhattaý maqsatynda týyndaǵan flesh-mob formatyndaǵy qozǵalys. Dombyra patıler, ádette, aptanyń belgilengen bir kúninde buqara kóp shoǵyrlanatyn qalanyń qoǵamdyq oryndarynda open-air, ıaǵnı ashyq aspan astynda uıymdastyrylady. Sharada dombyrada kúıler tartylady nemese aspap súıemeldeýimen ánder shyrqalady. Qozǵalystyń erekshelikteriniń biri - aspaptarda tek óner sheberleri nemese arnaıy oqý bitirgen mamandar ǵana emes, sonymen qatar kez-kelgen adam oınaı alardaı dárejege jetkizýge úles qosý. Qozǵalystyń saıası astary joq. Sharaǵa tek dombyrashylar ǵana emes, sonymen qatar ózge ulttyq aspaptarda oınaı alatyn ónerpazdar jáne tyńdarmen-kórermender qatysa alady. Shara jaıly, qatysýshylardy shaqyrý áleýmettik jeliler arqyly júzege asady. Sharalarda túsirilgen beınematerıaldar jıi ǵalamtorda bólisiledi. Dombyra patı qazaq blogerleri muryndyǵymen 2012 jyly týyndaǵan qozǵalys. Sharalar tizbegi Astana, Almaty, Atyraý, Aqtaý, Shymkent, Qyzyljar, Jańaózen, Oral sııaqtyQazaqstannyń iri qalalarynda, Mońǵolııadaǵy qazaq dıasporasy kóp shoǵyrlanǵan Baıan-О́lgeı aımaǵynda (2012 jyldyń 15 tamyzynan bastap), sonymen qatar Ystambul, London sııaqty álem metropolııalarynda ótkizilip keledi. Dombyra Partydiń resmı bastalǵan kúni - 2012 jyldyń16 tamyzy. Sol kúni Astana qalasynyń bir top jastary, atap aıtqanda "KerekInfo" saıtynyń qoldanýshylary Arshat Orazov, Aldan Jylgeldi, Nurǵısa Asylbekov, Maralbek Saǵynǵanov, Janasyl Bolatbek, Danııar Alan, Almas Altaı jáne Nurbergen Maqym atty segiz jigittiń bastaýymen dúnıege kelgen biregeı joba.
Bıylǵy "Dombyra party"-diń ashylýy 1-mamyrǵa tuspa-tus kelip, Qazaqstan halqynyń birligi kúnine tamasha tartý boldy. "Dombyra party"-diń Astanadaǵy turaqty júrgizýshisi - Maralbek Saǵynǵanov. Áleýmettik jelilerden oqı sala jastar Báıterek mańyna jıyla bastady. Sol jaǵalaýda qydyrystap júrgen shet eldik qonaqtar da tamashalady. Mońǵolııanyń Baıan О́lgúı aımaǵynda "Dombyra party"-di uıymdastyrýshy - Nurbol Qanaǵat. Shamamen 50-100 qaraly adam tamashalap ketetin bul shara tek Astanada emes, Qazaqstannyń barlyq derlik qalalarynda ótip turady. Sharanyń negizgi maqsaty dombyrany nasıhattaý bolǵandyqtan, jıylǵandar kásibı mamandardan góri ózderi sekildi kópshilikti tyńdaǵandy qup kóredi. Máselen, myna qyz dombyrany jańadan úırenip júr eken. Al, mamasy óz qyzymen maqtanýda. Túrli áleýmettik jelilerge habarlama dál sol ýaqytynda shyǵyp otyrady. Shara sońy dástúrli "Qazaqtaı el qaıda?" ánimen aıaqtalady. Kirispe sóz ýıkıpedııa saıtynan alyndy. Danııar Alan.