Elimizde eki myńnan astam aýyl, aýyldyq okrýg ákimderi jáne Amanat partııasynyń aýmaqtyq fılıaldarynyń atqarýshy hatshylary oqytyldy. Arnaıy kýrstardy AMANAT partııasynyń Saıası menedjment akademııasy el Úkimetimen birlesip iske asyrylyp kele jatqan «Aýyl amanaty» jobasy aıasynda ázirledi.
Osy jyldyń 13 maýsym men 20 shilde aralyǵynda Amanat partııasynyń Saıası menedjment akademııasy «Aýyl amanaty» jobasy aıasynda elimizdegi 17 óńirdiń aýyl jáne aýyldyq okrýg ákimderin keshendi oqytýdan ótkizdi. Olardyń 89 paıyzy er, 8 paıyzy áıel (192 adam). Oqytý Uıymdastyrýshylardyń aıtýynsha, oqytý «Tabysty kóbeıtý maqsatynda halyqtyń ekonomıkalyq belsendiligin arttyrý salasynda basshynyń biliktiligin jetildirý» taqyrybynda kóshpeli 3 kúndik semınar formatynda uıymdastyrylǵan. Atalǵan is-sharaǵa tıisti sertıfıkaty bar 30 trener, aýyl sharýashylyǵy, ónerkásip jáne týrızm salasyndaǵy sarapshylar shaqyrylǵan.
«Olar jalpy sany 80 semınar ótkizdi. Arnaıy kýrsqa qatysqan azamattar marketıngtik taldaý júrgizýdi jáne aýyl ekonomıkasyn damytatyn bolashaǵy bar baǵyttardy anyqtaýdy úırendi», dedi Saıası menedjment akademııasy dırektorynyń mindetin atqarýshy Sáýle Baqtymbet bilim berý baǵdarlamasynyń qorytyndysy jarııalanǵan brıfıngte.
Amanat partııasynyń kezekten tys HHII sezinde Memleket basshysy Q.Toqaev basshylardy daıarlaý sapasyn jaqsartýdy, júıeli, tolyqqandy daıyndyq baǵdarlamalaryna kóshýdi, sondaı-aq jergilikti jerlerde partııa aktıvin oqytý úshin kóshpeli trenıngter ótkizýdi tapsyrǵan bolatyn. Osy oraıda, Saıası menedjment akademııasy partııalyq oqytý júıesinde jańa ári sapaly tásildi qolǵa alýdy uıǵarǵan.
«Elimizdegi áleýmettik-ekonomıkalyq jáne saıası jańarýdy eskere otyryp, depýtattarǵa, ákimder men partııa belsendilerine arnalǵan zamanaýı oqytý baǵdarlamalary ázirlendi», dep atap ótti S.Baqtymbet.
«Aýyl amanaty» partııalyq jobasy – bıyl 14 sáýirde qabyldanǵan «Halyqtyń tabysyn arttyrýdyń 2025 jylǵa deıingi baǵdarlamasy» keshendi josparynyń qosalqy baǵdarlamasy. Joba – aýyl sharýashylyǵy taýaryn óndirýshilerdi jan-jaqty qoldaý, aýyl turǵyndaryn agrarlyq bızneske barynsha tartý, azyq-túlik qaýipsizdigine jáne azamattardyń ómir súrý sapasyn jaqsartýǵa baılanysty máselelerdi sheshýdi kózdeıdi. Osy maqsattarǵa qol jetkizý úshin partııa janynan arnaıy jobalyq keńse de iske qosylǵan.
«Uly Dala» aýyl bıznesin damytý qaýymdastyǵy» QB prezıdenti Aqmaral Bekmurzaevanyń sózine súıensek, Qazaqstanda jeke qosalqy sharýashylyqtardyń jıyntyq úlesine azyq-túlik taýarlary óndirisiniń 70 paıyzy tıesili. «Bul kórsetkish eldiń ekonomıkalyq klımatyn qalyptastyratyn aýyldar men aýyldyq okrýgterdi damytý qanshalyqty mańyzdy ekeniniń dáleli bola alady. Biz kýrsqa qatysýshylardy saýatty bıznes-josparyn ázirleýge, jobany qarjylandyrý kózin izdeýge úıretýge tyrystyq. Kooperatıv qurý men ónim ótkizý tizbegin qalyptastyrý jóninde trenıngter uıymdastyryldy. Tehnologııalyq kartalar usynysy qatań saqtalǵan jaǵdaıda ǵana ónimdi óndiriske qol jetkizýge bolady. Turǵyndardyń tabysyn arttyrýdy talap etip qana qoımaı, onyń qalaı iske asyrylatynyn kórsetý mańyzdy», dedi A.Bekmurzaeva.
Trenıngke qatysqan birqatar ákim oqytý kýrsy áserimen bólisti. «Dáriskerler marketıngtiń zamanaýı quraldarynyń negizderin, bolashaǵy bar bıznes-jobalardy anyqtaý ádisterin naqty mysaldarmen túsindirdi. Máselen, jemshóp daıyndaý, et jáne sút baǵytyndaǵy mal sharýashylyǵyn damytý, irimshik jasaý jáne taǵy basqa ózekti baǵyttar mysalynda bıznes-josparlar jasadyq. Jumys dápterinde jobalardyń naqty esebi qamtylǵan. Alǵan bilimimiz turǵyndar tabysyn arttyrýǵa, turaqty jumys oryndaryn qurýǵa kómektesedi dep senemin», dedi Aqmola oblysy Shortandy aýdany Bektaý aýyldyq okrýginiń ákimi Asqar Mahfýz.
Bıyl aýdandyq mańyzy bar qalalar, aýyldar, kentter men aýyldyq okrýgter ákimderiniń alǵashqy tikeleı saılaýynyń qorytyndysy boıynsha Amanat partııasynyń músheleri 87,3 paıyzben jeńiske jetken bolatyn. Aımaqtarda partııadan usynylǵan 746 kandıdat, sondaı-aq ózin-ózi usynǵan 124 adam ákimdikke saılandy. Olardyń kóbi – bastaýysh partııa uıymdarynyń tóraǵalary men partııaishilik praımerız qatysýshylary.