Bul indet qaıta aınalyp soqqan daýyldaı boldy ǵoı. Adam tańdamaıdy, jasy bar, jasamysy bar aldyn ala jaraqtanbasa jyǵylýy múmkin. Medısına salasy qansha damydy desek te, saqtyqta qorlyq joq. Búginde jahandyq indet jetisýlyq dárigerlerdi ábigerge salýda.
Jetisý oblysynyń 28 myńnan astam turǵynyna Pfizer-diń vaksınasy qaıta egildi. Búginde óńirde vaksınanyń alǵashqy dozasyn alǵandar sany 316 671 adamǵa jetti, bul ımmýndaýǵa jatatyn eresek turǵyndardyń 82,3 paıyzyn quraıdy. Al ekinshi komponentti – 305 181 azamat nemese 79,3 paıyz turǵyn aldy. Sonymen qatar oblysta revaksınalaý boıynsha belsendi jumystar júrgizilýde. 27 shildedegi statıstıka boıynsha óńirde revaksınalaý kýrsynan 131 596 adam ótti, ıaǵnı 60,2 paıyz. Onyń ishinde 28 933 adam Pfizer-diń Komırnatı vaksınasymen qaıta vaksınalandy.
Sarapshylardyń pikirinshe, vaksına koronavırýstan qysqa ýaqytqa qorǵaıdy, sondyqtan búginde ımmýnıtetti kúsheıtý úshin qaıta revaksınalaý kýrsynan ótý usynylady. Qaıta egý bastapqy vaksınalaý sııaqty ımmýndyq júıege vırýstyń kórinisin «este saqtaýǵa» kómektesedi, ıaǵnı vırýs shabýyl jasasa, ımmýndyq reaksııany jumyldyrý tezirek júredi jáne aýrý aǵymy men ólim qaýpi tómendeıdi.
Qaıta revaksınalaý kýrsyna birinshi kezekte halyqtyń osal toptary: medısınalyq-áleýmettik mekemelerdiń personaly men kontıngenti, jabyq balalar mekemeleriniń medısına qyzmetkerleri, pedagogter, áleýetti qurylymdardyń qyzmetkerleri, 50 jastan asqan adamdar jáne ımmýnıteti álsiz adamdar jatady.
Osy vaksınamen ımmýndaý jumystary jasóspirimder, júkti jáne bala emizetin áıelder arasynda da jalǵasýda. Qazirgi ýaqytta vaksınalanǵan halyq sany 34 948 adamdy quraıdy, onyń ishinde 24 677 jasóspirim, 1 073 júkti áıel jáne laktasııa kezeńindegi 5 269 áıel bar. Vaksınanyń ekinshi komponentin 32 689 azamat aldy. Onyń ishinde 12-17 jas aralyǵyndaǵy jasóspirimder – 23 430 bolsa, 971-i – júkti jáne 4 955-i – bala emizetin kelinshekter.
Jetisý oblysy