Jaz – demalý jáne kúsh pen densaýlyq jınaý ýaqyty. Árıne, biz demalystyń kóp bóligin sý jaǵasynda nemese arnaıy sanatorıılerde ótkizemiz. Taza aýa, ystyq kún, shomylý aǵzany qataıtýǵa jaqsy sebep. Biraq tańdalǵan jer jáne shomylýǵa arnalǵan sý aıdynynyń sýy eń aldymen qaýipsiz bolýy keregin bilý kerek.
О́kinishke qaraı, keıbir demalýshylardan keıin qalǵan qoqystardyń saldarynan sý aıdyndarynyń jáne jaǵalaýdaǵy topyraqtyń lastaný problemasy bar. Demalýshylardyń mundaı nemquraıdylyǵy sý arqyly taralatyn juqpaly jáne parazıttik aýrýlardy adamdarǵa juqtyrý qaýpin týdyrady.
Búginde Almaty oblysy sanıtarlyq-epıdemıologııalyq baqylaý departamentiniń aýmaqtyq basqarmalarynyń baqylaýynda sanıtarlyq-epıdemııalyq salamattylyǵy salasynda ruqsat qujattaryn alǵan Alakól kóliniń boıyndaǵy 72 demalys aımaǵy, Balqash kóliniń boıynda – 10, Qapshaǵaı sý qoımasynyń boıynda – 58, Eńbekshiqazaq aýdanynda – 5, Taldyqorǵan qalasy men Balqash aýdanynda 1 demalys oryndary bar. Alaıda barlyq kásipkerler sanıtarlyq zańnamanyń talaptaryna jáne sanıtarlyq-epıdemııalyq qorytyndynyń bolýyna sáıkes qyzmet kórsete bermeıdi. Osyǵan baılanysty, mamandar kásipkerlerdi osyndaı buzýshylyqtar ákimshilik aıyppuldy tóleý boıynsha úlken qıyndyqqa ákeletinin eskertedi.
Sý aıdyndaryndaǵy sýdyń, jaǵalaýdaǵy topyraqtyń qaýipsizdigi men sapasy sanıtarlyq qyzmettiń turaqty baqylaýynda. Aǵymdaǵy shomylý maýsymynda zerttelgen sý úlgileriniń 2,9 paıyzy (175/5) jáne topyraqtyń 3, paıyzy (85/3) mıkrobıologııalyq kórsetkishter boıynsha sanıtarlyq qaǵıdalarda belgilengen kórsetkishterine sáıkes kelmedi. Bakterııalyq lastanýdyń sebepteri jaǵalaý aımaqtaryn qoqyspen toltyrý jáne olardy ýaqtyly jınamaý bolyp otyr.
Departament basshylyǵy «Tazalyq tazalanatyn jerde emes, qoqys tastamaıtyn jerde» ekenin eske salýda. Muny ózińiz qadaǵalaýyńyz shart. Balalaryńyzdy jáne kósheniń kez kelgen jerine qoqys tastaǵan turǵyndy osy qaǵıdany saqtaýǵa shaqyryńyz.
Jetisý oblysy