Irannyń Tegeran provınsııasynda sý tasqyny men sel qurbandarynyń sany 24-ke jetti, dep habarlaıdy Egemen.kz Ulttyq daǵdarysty basqarý ortalyǵynyń basshysy Hasan Namıge silteme jasap.
Onyń aıtýynsha, el astanasynyń shyǵysyndaǵy Veskare aýylynda bir adam qaza taýyp, 14 kólik sý astynda qalǵan. Al Merzdaran aýylynda jaǵdaı tipti qıyn. Ol jaqta úıler sý astynda qaldy. Kóshkin áli júrip jatyr.
Namı bul aýylda alty beıbit turǵynnyń qaza tapqanyn, iz-túzsiz joǵalǵandar bar ekenin atap ótti. Izdestirý-qutqarý jumystary jalǵasýda.
ISNA aqparat agenttiginiń habarlaýynsha, Irannyń Qyzyl jarty aı uıymynyń basshysy Murtaza Mýradıpýr el astanasynyń soltústik-batysyndaǵy Imamzade Davýd aýylynda birneshe adamnyń qaza tapqanyn málimdegen.
Aýyldyń 700-ge jýyq turǵyny qaýipsiz jerge kóshirildi. Qazir aımaq ınfraqurylymyn qalpyna keltirý jumystary jalǵasýda.