Tynys alýy qıyndap, ottegi apparatyna tańylǵan syrqattar bar. Atyraýlyq 6 jasar Raıana Qubysheva týǵannan ottegi apparatyna táýeldilikten áli arylǵan joq.
Sol sebepten ata-anasy ony oblystyq balalar aýrýhanasyna jıi ákeledi. Oblystyq densaýlyq saqtaý basqarmasynyń ótinishimen «Artel Injınırıng» kompanııasy syrqat búldirshinge ottegi apparatyn syıǵa tartty. Reseı Federasııasynda shyǵarylǵan ottegi apparatynyń quny arzan emes. Bul apparat shamamen 500 myń teńge turady. Ottegi apparatyn bes jylǵa deıin úzdiksiz paıdalanýǵa bolady.
– Bizdiń kompanııa oblystyq densaýlyq basqarmasymen birlesip, qaıyrymdylyq jobalaryn iske asyryp keledi. Sondaı maqsatpen ottegi apparatyna muqtaj 6 jasar búldirshinge syı jasaýdy uıǵardyq. Árıne, mundaı qymbat qurylǵyny alýǵa syrqat jandardyń báriniń jaǵdaıy jetpeıdi. Oǵan qosa aýrýhanaǵa jıi qatynaý da qıyndyq týdyrady. Osyndaı qaıyrymdylyq sharalaryn aldaǵy ýaqytta taǵy jalǵastyramyz, – deıdi «Artel Injınırıng» kompanııasynyń bólim basshysy Alıona Sergeeva.
Atyraý oblysy