Arhıv jaıly aıtar áńgimemiz kóp. Jaqsy jańalyq estı qalsaq, jarysa jazǵymyz kelip turady. Qundy qujattardy qaıta qalpyna keltirý ońaı sharýa emes. Qazir bul ıgilikti iske Nur-Sultan qalasynyń memlekettik arhıvi bilek sybana kirisken. Jaqynda Almaty qalasynyń memlekettik arhıvimen ózara tájirıbe almasyp, jańa tehnıkalarymen tanystyrdy.
Zamanaýı qurylǵylardyń tilin meńgerý – ýaqyt talaby. Sarǵaıǵan qujattardy retke keltirý úshin arhıv qyzmetkerleri belsendi jumys isteýde. Búginde jas mamandarǵa jumys júıesin úıretip, áriptesterimen bilgenin bólisýde.
Tájirıbe barysynda «Vedomstvolyq arhıvti tolymdaý qyzmeti» bóliminiń qyzmetkerleri túpnusqa qujattardy iriktep, qonaqtarǵa qaıta óńdeý prosesin kórsetti. Shejireli derekterdi qattap, jyrtylǵan jerlerin jamaý ádisterin de úıretti.
Is-shara sońynda elorda arhıvi almatylyq arhıvshilerge arnaıy sertıfıkat tabystady. Sertıfıkatty «Vedomstvolyq arhıvti tolymdaý qyzmeti» bólim basshysynyń orynbasary Aıken Jakanqyzy tabystady.
Aıta keteıik, qazaq tarıhyn qalyptastyrý úshin bılik ókilderi, ǵalymdar, tarıhshylar, arhıv qyzmetkerleri, zańgerler jappaı eńbektenýde. Bul, árıne, qýantarlyq is. Qolymyzdaǵy bar qujatty shashpaı-tókpeı jınastyryp, óskeleń urpaqqa tabystap ketý ultqa paryz.
Osy rette «Saıası qýǵyn-súrgin qurbandaryn tolyq aqtaý jónindegi memlekettik komıssııanyń materıaldary: HH ǵasyrdyń 20-30-jyldary» degen eki tomdyq jınaq kitap jaryq kórdi.
Atalǵan jınaqqa qalalyq arhıv qoımasynan alynǵan tarıhı qundy derekter engizildi. Ult úshin, urpaq úshin qyzmet etý – uly is. Muny arhıv qyzmetkerleri maqtan tutady.