Qostanaı oblysynda polıseıler esirtki zattaryn jetkizý arnasynyń jolyn kesti, dep habarlaıdy Egemen.kz.
30 shildede «Qarasora – 2022» jedel aldyn alý is-sharasy barysynda Esirtki qylmysyna qarsy is-qımyl basqarmasynyń qyzmetkerlerimen Tobyl qalasynyń 45 jastaǵy turǵyny ustaldy, onyń avtokóligin tekserý kezinde 40 keliden astam esirtki zaty – marıhýana men gashısh tárkilendi.
Qazirgi ýaqytta atalǵan fakti boıynsha QR QK-niń 297-babynyń 3-bóliginde (Esirtkini asa iri mólsherde ótkizý maqsatynda zańsyz saqtaý) kózdelgen sotqa deıingi tergeý bastaldy. Qajetti tergeý áreketteri júrgizilýde. Ustalýdyń egjeı-tegjeıin Qostanaı oblysy PD bastyǵy Erlan Omarbekov habarlady.
«30 shildede jedel-izdestirý is-sharalary barysynda «Qarasora – 2022» jedel-izdestirý is-sharalary sheńberinde Drýjba aýylynyń mańynda avtokólik toqtatyldy, tekserý kezinde mashına salonynda ósimdik zattary bar paketter ornalasqan eki qorap tabyldy. Saraptama qoraptarda 33 keli marıhýana, 8 keli gashısh bar ekeni anyqtaldy. Jyl basynan beri bul zańsyz aınalymnan alynǵan esirtki zattarynyń eń iri partııasy», dep túsindirdi ol.
Tergeý amaldaryn odan ári júrgizý barysynda esirtki elimizdiń ońtústik óńirinen oblysqa túskeni anyqtaldy. Osylaısha polısııa aımaqqa esirtki jetkizýdiń iri arnasyn joıdy. Esirtki satýshyny ustaý operasııasy barysynda qyzmettik-izdestirý ıtteri qoldanyldy. Qazir kúdikti ustaldy.