Bul týraly QR IIM Tergeý departamenti bastyǵynyń orynbasary Muhtar Qojaev aıtty, dep habarlaıdy Egemen.kz.
«Qańtar oqıǵasynyń sebebin, terrorıstik aktiler men jappaı tártipsizdikterdi uıymdastyrýshylardy anyqtaý jáne tergeýmen arnaıy prokýrorlar jetekshiligimen vedomstvoaralyq jedel-tergeý toptary aınalysyp jatqanyn esterińizge salamyz. О́kilettikti asyra paıdalaný jáne tergeý men anyqtaýdyń ruqsat etilmegen ádisterine azamattardyń shaǵymdary boıynsha tergeýdi Sybaılas jemqorlyqqa qarsy qyzmettiń qyzmetkerleri, jekelegen jaǵdaılarda arnaıy prokýrorlar júrgizýde», dedi M.Qojaev Ortalyq kommýnıkasııalar qyzmetindegi brıfıng barysynda.
Onyń aıtýynsha, ishki ister organdarynyń jedel-tergeý toptary jappaı tártipsizdikter aıasynda jasalǵan urlyq, tonaý, buzaqylyq, múlikti qasaqana búldirý, qarýdy urlaý, ári saqtaý sııaqty faktilerdi tergeýde.
«Polısııa qańtar aıyndaǵy oqıǵalar boıynsha barlyǵy 4 642 qylmystyq is qozǵady. Onyń ishinde: 2,5 myńnan astamy - urlyq, 708-i - qarýdy urlaý nemese saqtaý, 418-i - buzaqylyq, 199-y múlikti joıý, 26-sy qaraqshylyq jáne tonaý faktisi. Osy qylmystyq ister aıasynda polısııa tergeýshileri 15 myńǵa jýyq adamnan jaýap aldy. 35 myńnan astam tergeý áreketteri jáne 2,5 myń saraptama júrgizildi. 1 731 azamat jábirlenýshi bolyp tanyldy. 343 mln teńgeden astam somaǵa shyǵyndy óteý qamtamasyz etildi», dedi ol.
IIM ókiliniń dereginshe, búginde 969 isti tergeý aıaqtalyp, onyń ishinde 594 aıyptalýshyǵa qatysty is sottarǵa joldandy. Sotta qaraý nátıjeside 500 adamǵa qatysty úkim shyqty. Olardyń kópshiligi, naqty aıtqanda 398 adamnyń bas bostandyǵynan shekteldi. Al aýyr jáne asa aýyr qylmys jasaǵan 92 adamǵa bas bostandyǵynan aıyrý týraly jaza taǵaıyndaldy.
«Qazir polısııa tergeýshileriniń óndirisinde 289 is bar. Onyń ishinde 20-sy boıynsha 27 kúdikti anyqtalǵan. Olardyń 6-aýy kúzetpen qamaýda ustalýda. Jaqyn arada bul qylmystyq ister boıynsha túpkilikti sheshim qabyldaý josparlanǵan. Bul rette, Ishki ister mınıstrligi sotqa deıingi tergeý barysynda azamattardyń konstıtýsııalyq quqyqtarynyń saqtalýyn ári buzylmaýyn qatań baqylaýda ustaýda», dedi departament bastyǵynyń orynbasary.