«Qazaqstan halqyna» qory Abaı oblysyndaǵy aýyl mektepterin zaman talabyna saı jaraqtandyrýǵa járdemdesedi. Bul týraly atalǵan qordyń basqarma tóraǵasynyń orynbasary Lázzat Shyńǵysbaeva aıtty.
Semeıliktermen kezdesken atalǵan uıymnyń ókili búginge deıin qor 5 qazaqstandyq balaǵa quny mlrd teńge bolatyn «zolgensma» ıneksııasyn alýǵa járdemdeskenin jetkizdi. Densaýlyq saqtaý salasynan basqa bul uıym bilim berý salasynda da qoldaý kórsetýge ázir.
«Qazaqstan halqyna» qory Memleket basshysy Qasym-Jomart Toqaevtyń bastamasymen qurylǵany barshaǵa málim. Onyń qyzmetti eki baǵytqa arnalǵan. Atap aıtqanda, ataýly kómek kórsetý jáne damý baǵdarlamalaryn iske asyrý. Oblystaǵy kóptegen iri kásiporyn men isker azamattar bul bastamany birden qoldap, qorǵa qomaqty qarajat aýdarǵanyn aıta ketken oryndy», dedi Abaı oblysy ákiminiń orynbasary Aıdyn Kárimov.
Onyń aıtýynsha, qazir jergilikti atqarýshy organdar osy baǵytta jumys júrgizip keledi. Qazirgi basty mindet – qormen ózara is-qımyldyń ortaq núktesin taýyp, azamattardyń ómir súrý sapasyn jaqsartýǵa baılanysty usynystardy jetkizý.
L.Shyńǵysbaeva qorǵa myńdaǵan ótinish kelip túsetinin jáne basym bóligi densaýlyq saqtaý salasyna qatysty ekenin aıtty.
«Bizge kelip túsken 40 myń ótinishtiń basym bóligi densaýlyq saqtaý salasyna qatysty. Álbette, bul bizdi alańdatpaı qoımaıdy. Osy kúnge deıin damyl tappaı qyzmet etip kelemiz. О́ıtkeni qorǵa úlken úmit artylyp otyr. Árıne bul jetkiliksiz jáne ár óńirdiń ózindik ereksheligin eskerý kerek. Sondyqtan qordan qandaı kómek qajet ekenin talqylaý qajet», dedi «Qazaqstan halqyna» qory basqarma tórǵasynyń orynbasary.
Budan bólek «Qazaqstan halqyna» qoryna stýdentter men talapkerlerdiń ata-analarynan 1,5 myń ótinish kelip túsipti. Onyń basym bóliginde jastardyń oqýmen qatar jumysty birge alyp júrgeni aıtylyp, pandemııanyń saldarynan stýdentterdiń kópshiligi oqý aqysyn tóleı almaı, taǵy biri aýrýdyń kesirinen akademııalyq demalys alýǵa májbúr bolǵany jazylǵan. Soǵan sáıkes jas azamattar kem degende sońǵy oqý jylynyń aqysyn tólep berýge qoldaý suraǵan.
«Qazaqstanda 120 joǵary oqý orny bar. Onyń 75-ine memlekettik grant beriledi. Olarmen konferensııa ótkizip, kelisimshartqa otyrý kózdelýde. Ár oqý orynǵa shákirtaqymen 3 grant bólemiz», dedi qordyń ókili.
Qordyń bilim granttaryn ıelený úshin úmitkerler aýyldyq jerden, sol sekildi óziniń nemese ata-anasynyń múgedektik mártebesi jáne áleýmettik az qamtylǵan otbasydan bolýy shart. Semeıde bul jobaǵa Alikhan Bokeikhan University, Shákárim atyndaǵy ýnıversıtet jáne Semeı medısınalyq ýnıversıteti qatysyp, olarǵa 3 granttan taǵaıyndaldy.
Abaı oblysyndaǵy aýyl mektepteri de atalǵan qordyń damytý josparyna engizilip, 17 bilim berý uıymynyń oqý kabınetteri zamanaýı qural-jabdyqtarmen jaraqtalady.
Abaı oblysy