Tylsym tabıǵattyń tańǵajaıyp sáti kóp. Jyl saıyn osy mezgilde Atyraý oblysyndaǵy Qıǵash ózeniniń saǵasynda lotos gúldeıtin aýmaq bar. Lotostyń gúldegenin tamashalaýǵa keletinder sany kóbeıedi.
Qıǵash ózenine deıin Aqtóbe – Atyraý – Reseı shekarasy jolymen ǵana jetýge bolady. Araqashyqtyq – 300 shaqyrymǵa jýyq.
– О́zen saǵasyndaǵy lotos ósken alqapqa qaıyqsyz jetý múmkin emes. Gúldiń hosh ıisi murnyńdy jarady. Sý betinde gúldep turǵan lotostyń ádemiligin tek kózben kórý kerek. Sýdyń ústine qyzyl kilem jaıyp qoıǵandaı áser beredi, – deıdi sırek kezdesetin gúl alqabyna barǵan Samat Amanáliuly.
Elimizde Qıǵash ózeniniń saǵasynda ǵana gúldeıtin lotostyń túsi – qyzǵylt. Bul gúl batpaqty, sýly jerdegi bes myń gektarǵa jýyq aýmaqta ósedi. Bıiktigi 1,5 metrge deıin jetedi. Sý ortasynda gúldeıtin lotos tańerteń qaýyzyn ashyp, keshke qaıta jabady. Tańerteń sý betinde qaýyzyn ashqanda qurǵaq bolyp turady.
Bul gúldi úndister men vetnamdyqtar tazalyqtyń sımvoly retinde baǵalaıdy eken. Tipti onyń emdik qasıeti týraly derek bar. Tuqymyndaǵy aqýyz búırek pen kókbaýyr, júrek aýrýy men uıqysyzdyqty emdeýge qoldanylady.
Alaıda lotos gúlin julýǵa bolmaıdy. О́ıtkeni bul gúl elimizdegi sırek kezdesetin ósimdikterdiń tizimine engizilgen.
Atyraý oblysy