«Qazgıdromet» RMK sınoptıkteri tamyzǵa arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń málimetinshe, eldiń soltústik óńirlerindegi aýa raıy salystyrmaly túrde salqyn bolady. Qazaqstannyń basym bóliginde aýa raıy turaqsyz bolady dep kútiledi.
Atmosferalyq fronttardyń ótýimen qysqa merzimdi jańbyr jaýady: eldiń shyǵysynda naızaǵaı, burshaq kútiledi, jeldiń ekpini sekýndyna 15-25 metrge deıin kúsheıedi, soltústik aımaqtarda túnde jáne tańerteń tuman bolýy múmkin.
Aıdyń basynda, eldiń soltústik jartysyndaǵy salqyn aýa raıy, soltústik sýyq antısıklonnyń áserimen baılanysty bolady. Alaıda birinshi onkúndiktiń sońynda sýyq antısıklonnyń elden tys jerlerge, soltústik óńirlerge yǵysýymen jáne ońtústik sıklonnyń shyǵýymen jyly aýa massalary shyǵarylady, bul temperatýranyń kóterilýine ákeledi. Osylaısha, aýa temperatýrasy túnde +18 +23°S, kúndiz +25 +33°S-qa deıin jetedi.
Ońtústik jáne ońtústik-shyǵys óńirlerde birinshi onkúndik ishinde temperatýralyq fon birtindep joǵarylaıdy dep boljanyp otyr: túnde +15 +20°S-tan +20 +25°S-qa deıin, kúndiz +25 +32°S-tan +33 +40°S-qa deıin.
«Aıdyń ortasynda respýblıkanyń soltústik jartysyna qaıtadan sýyq aýa massalary túsedi, bul aýa raıynyń turaqsyz bolýyna ákeledi. Degenmen, sýyq uzaqqa sozylmaıdy. Aýa temperatýrasy túnde +10 +18°S-tan +18 +25°S-qa deıin, kúndiz +17 +22°S-tan +25 +30°s-qa deıin aýytqıdy, al ońtústik óńirlerde aýa temperatýrasynyń negizgi aıasy +28 +38°S bolady, biraq jekelegen kúnderi jylýdyń tómendeýi boljanyp otyr. Jazdyń sońǵy aıyndaǵy aýa raıyna kúz mezgili áser etedi», delingen habarlamada.
Arktıkalyq teńizderdiń aýdandarynan sýyq aýa massalarynyń basyp kirýi, Qazaqstannyń basym bóliginde temperatýralyq fonnyń eleýli tómendeýine alyp keledi. Eldiń soltústik jartysynda túnde aýa temperatýrasy +2 +12°S-qa deıin, jekelegen aýdandarda kúndiz +15 +20°S-qa deıin, ońtústik jartysynda túnde +10 +15°S-qa deıin, kúndiz +20 +27°S-qa deıin tómendeıdi.